Batzuk zukutu, besteak gizentzeko
Batzuek, euren xalotasunean, uste dute kapitalismoa Europan arautu daitekeela Europako Parlamentuaren bidez. El País egunkari espainiarreko zutabegile batek, parlamentu hori buruan, zera zioen: “Kapitalismoa menderaezina da arautzeko borondate politikorik ez badago”. Baina nire ustez ez dago kapitalismoa arautuko duenik, eta egunez egun ikusten dugu. Hemen hiru adibide, prentsako hiru albisteren bidez.
Bat. Goldman Sachs AEBetako inbertsio bankuko langileek astean 95 orduko lanaldia dute; lantalde horietako batek “astean 80 orduko muga ez gainditzea eta ostiral gaueko 21:00etatik igande goizera arteko atsedena errespetatzea” eskatu du. Horrela, banku horretan sartzea onartu dute, “etorkizuneko soldata zorabiagarria izango delako”, korrespontsalaren arabera.
Bi. Bilboko lan-arloko epaitegi batek 285 rider-ek Glovo zerbitzu enpresaren praktiken aurka jarritako salaketa du aztergai. Enpresa honen lan eredua prekarietate izugarrian dago oinarriturik, lan-puntuazioa hartzen du kontuan, eta, horrela, langileak bere baldintza eskasak muturrera eramatera bultzatzen ditu –atsedenik ez hartzea kasu–, kontratazioen gurpilean jarraitzeko.
Hiru. Telefonicak, bestalde, bere Batzar Orokorrari proposatuko dio enpresako 809 zuzendariei 200 milioi euroko saria ematea, hiru ziklotan banatutako bost urteren buruan. Horrela, presidenteak, lortzen badu neurri hori onartzea, 5,6 milioi euro gehiago jasoko ditu lehen zikloan; kontseilari delegatuak, 4,68 milioi, eta horrela gainerako zuzendariek. Horretarako helburu batzuk lortu beharko dituzte baina: kutxako akzioen kotizazioa eta kaxa fluxua handitzea, eta isuri kutsatzaileak ezabatzea.
Hori da kapitalismo huts eta gogorra: langileak zukutzea eta bere kudeatzaileen bankuetako kontuak gizentzea.
Espainiako Ikerketa Soziologikoen Zentroak (CIS) egindako lehen inkesta monografikoa da, “Gizonen eta emakumeen arteko berdintasunari buruzko pertzepzioak eta genero-estereotipoak” gaiari buruzkoa: ikerketan parte hartutako emakumeen gehiengoak (%65,5) dio baieztapen... [+]
"Eskolan ikasgaia azaldu, etxean eskolako lanak egin eta azterketa jarri" formula aldatzea erabaki du José Antonio Herranz irakasleak: irakaskuntza-ikaskuntza osoa eskola-orduetara mugatu du, etxeko errealitatearen erruz ez daitezen ikasle batzuk atzean geratu... [+]
6-10 urte bitarteko haurrek doan dituzte eskolaz kanpoko jarduerak Portugalen. Ekintza hauetan parte-hartze unibertsala bermatzea onuragarria izan da Portugalgo ikasleen arteko desoreka sozioekonomiko eta ondorioz akademikoei aurre egiteko eta eskola porrota txikitzeko, besteak... [+]
338 eurotako alokairua edo 119.000 eurotako erosketa. Horiek dira 18 eta 44 urte arteko emakume batek batez beste ordaindu dezakeena bere kabuz bizitzen jartzeko EAEn. Beti ere, etxebizitzarako gorde beharrekoa gehienez diru-sarreren %30 dela kontutan hartuta. Eusko... [+]
Londres, 1877ko uztaila. All England Lawn Tennis and Crocket Club elkarteak antolatuta, Wimbledon tenis txapelketa jokatu zen lehenengoz, munduko tenis lehiaketarik zaharrena. Handik zazpi urtera, 1884an emakumezkoek ere parte hartu ahal izan zuten. Eta aurten amaitu berri den... [+]