Basque Culinary Centerren bigarren egoitza bat eraikiko dute Donostian
Gros auzoan kokatuta dagoen udal lursail batean eraiki nahi dute BCCren etorkizuneko Gastronomy Open Ecosystem proiektua bilduko duen egoitza. Joan den astean adierazi zuen Eneko Goia alkateak martxan jarri dutela horretarako prozesua, eta aurka agertu da Donostiako EH Bildu, lursail horretan gazteentzako eta zaharrentzako apartamentuak eraikitzeko proiektua baitzegoen.
Hamar urte bete berri ditu Basque Culinary Centerrek. Urteurrenaren harira datozen urteetarako plan-estrategikoa aurkeztu du instituzioak. Bertan, nazioarteko “erreferentziazko ekosistema” bat sortzeko asmoa agertzen da. Horretarako, talentu ekintzailea eta startup-ak erakarri gaitu eta garatu nahi dituzte, Gastronomy Open Ecosystem (Goe) deitutako proiektuaren bitartez.
Proiektua kokatzeko egoitza berri bat eraikiko du Basque Culinary Centerrek. Eneko Goia Donostiako alkateak joan den astean iragarri zuen hiriko Gros auzoan kokatuko dela egoitza, Zubiri Manteo institutuaren aurrean eta Okendo Kultur Etxearen alboan dagoen 5.500 metro karratuko orube batean. Egoitza horrek BCCk Miramonen duen egoitzaren ezaugarri desberdinak izango dituela adierazi dute.
Kontra agertu da EH Bildu
Asteartean argitaratutako ohar batean BCCren egoitza berria Groseko Okendo-Alde eremuan egitearen kontra agertu da Donostiako EH Bildu, auzoak gaur egun dituen arazoak “areagotu besterik ez dituela egingo” iritzita.
Koalizioak azpimarratu duenez, Groseko auzotar askok, batez ere gazteek, bertatik alde egin behar izaten dute ez dutelako etxebizitza duin baterako sarbiderik. Aldi berean gero eta pisu turistiko eta hotel gehiago dagoela salatu dute.
Oharrean udal gobernuak auzoarentzat dituen politika publikoak salatzen ditu EH Bilduk, turistifikazio prozesua areagotu eta bizilagunak kanporatzen jarraitzen ari direla esanez: “Ez du inongo logikarik Okendo-Alden hasieran aurreikusitako proiektua (gazteentzako eta zaharrentzako apartamentuak) baztertzeak eta udal lursail hau Basque Culinary Centerren bigarren egoitza kokatzeak. Are gutxiago, handik oso gertu, Udal Gobernuak orain arte hezkuntza zentro izandako bi eraikin (Mariaren Bihotza eta Inmaculada ikastetxea) hotel bihurtzea onartu duela kontuan hartzen badugu”.
Hezkuntza Sailak ebaluazio diagnostikoen berri eman zuen otsailean: 2023ko etapa erdikoa eta 2024ko etapa amaierakoak izan zituen hizpide. Emaitza negargarriek egiturazko arazoa dugula erakutsiko luketenez, sailak erabaki zuen tramitea bete bai (ED 23 eta 24 txosten exekutiboak... [+]
Nafarroako Unibertsitate Publikoko Euskara Taldeak inkesta bat egin du ikasleen artean. Halaber, euskara plana ikasturte honetan amaitzen dela ikusirik proposamen berriak egin dizkiote unibertsitateko zuzendaritzari. NUPen euskaraz ikastea "ezinezkoa" dela ere salatu... [+]
Steilas, LAB, ELA eta CCOO sindikatuek deitutako greba astearen atarian dator Hezkuntza Sailaren mugimendua. Ostegunean bilduko dira sindikatuak eta Hezkuntza Saila, bertan ezagutaraziko du sailak proposamen zehatza, baina zenbait eduki aurreratu ditu asteartean Begoña... [+]
Elkarretaratzeak egingo dituzte selektibitateari eta Baxoari ezetz esateko. Gainera, apunte-banku bat eta klase partikularrak jarri dituzte martxan IAko kideek.
ARGIAren efemerideen kanalean topatu dut berri zaharra: 1918ko apirilaren 23an, Irlandako langileek greba orokorra egin zuten I. Mundu Gerrarako derrigorrezko erreklutamenduaren aurka. Langileen eta independentziazaleen erantzunari esker, Britainia Handiak atzera egin behar izan... [+]
Ekologistak Martxan taldeak ohartarazi ostean Donostiako Ategorrieta hiribide inguruan airearen kutsadura maila oso handia dela, udaletik zalantzan jarri dute erabilitako metodologia eta adierazi dute errepide horretan dagoen estazio ofizialaren datuak hartu behar direla... [+]
Herriko kirolgune, liburutegi, gazteleku, kulturgune, eskola inguru eta abarrek bereizgarria gehitu dute sarreran, jendeari eskatuz mugikorra bazter utz dezala. “Kalitatezko aisialdiaz gozatzea da helburua, arreta horretara jarrita, mugikorrak ekarri ohi duen distrakzioa... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]
Ipar Euskal Herriko ikastolen aldeko bestaren 42. edizioa iraganen da maiatzaren 11n Senperen.
Ikaslea zenbat eta adinez txikiagoa izan, orduan eta feminizatuagoa da irakasle lana: Haur Hezkuntzan, 10 irakasletik 9 baino gehiago emakumeak dira munduan, Lehen Hezkuntzan %67a eta DBHn %54a. “Kuriosoa da, zaintza oinarri duten beste lan batzuetan (erizainak, erizain... [+]
EAEko Auzitegi Nagusiak agindu ostean eskola kirolaren aurkako epaia berehala betetzeko, Gipuzkoako Diputazioak jakinarazi du erabakia "onartu eta errespetatu" egingo duela, helegiterik ez duela aurkeztuko, eta aurrez Espainiako Auzitegi Gorenean jarritako kasazio... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]