Barkoxe, Gabadi eta Domintxineko etxaldeen aldeko diru bilketa
Beren hegaztiak hiltzeari uko egin zioten hiru baserritarrek lortu zuten ahate eta oiloak bizirik atxikitzea, Iparraldeko beste laborari, herritar eta hautetsien laguntzaz. Baina ordainetan, 20.000 euro kostako zaizkien analisi garestiak egitera behartu ditu administrazioak. Ordaindu ezin dituzten gastuok kitatzeko Iparraldeko nekazari txikiak dirua biltzen ari dira.
Zirrara handia eragin zuen apirilean Barkoxe, Domintxine eta Gabadiko hiru baserritarrek hegazteak hiltzeko aginduari aurre eginda lortutako garaipenak, inguruko herritarren laguntzaz erdietsitakoak, ez funtzionario eta jendarmeei aurre egin gabe, bideo honetan ageri denez:
Orain ELB sindikatuaren Laborari aldizkariak zabaldu du kanpaina deia. Irabazitako borroka bat hiru baserrientzat zama astunegia gerta daitekeelako, funtzionarioek ezarritako baldintzengatik.
Izan ere, agintariek onartu zieten ez hiltzea beren ahate eta oiloak, ontzat emanez aurkeztutako argudioak, baina baldintza zorrotza ezarri zieten: hegaztion analisi oso zehatzak egin behar dituzte, agintariek granja industrialei ezartzen dizkienak bezalakoak. Baserritar txikien arlo guztietan ezagutzen eta nozitzen duten taktika darabilte funtzionarioek, gripearen krisia beren eredua indartzeko probestu nahi duten industrialen bultzadaz.
ELBk bere oharrean nabarmendu du beste xehetasun deigarri bat, nekazaritza politiken burugabekeria erakusten duena. Hiru baserritarrek beren sakelatik pagatu behar dituzte 20.000 euro kostako zaizkien analisiak, administrazioak ez baitie horretan lagunduko. Aldiz, hegaztiak alferrik hiltzen utzi izan balituzte, orduan administrazioak oso diru kopuru antzekoa osatuko zuten kalte-ordainak emango zizkien.
Laguntzeko borondatea duenak webgune honetan aurkituko du donazioa egiteko modua.
Azken urteetan errepikatzen den gaitza dute hegazti gripearena laborariek. Frantziako Estatuak bideratu aterabideak –hegazti guzien hilketa prebentiboak eta kabalak barnean atxikitzea– gogorki gaitzesten ditu ELB sindikatuak. Egoeraren larritasunaz ohartarazteko eta... [+]
Animalien osasunaz arduratzen den DDPP departamendu mailako zerbitzuak Pauen dituen bulegoak okupatu dituzte ekainaren 8an, ELBk eta Biarnoko Modef eta Confederation Paysanne sindikatuek ere. Poliziak kanporatu ditu.
ELBk berriz ere bere arrangurak agertarazi ditu hegazti gripeari begira. Euskal Herriko Laborarien Batasunak jakitera eman duenez, iragan hiru asteetan 70 kutsadura kasu aitortu dira Aturri arroko etxaldeetan, horietatik 50 Gersen, hemezortzi Landetan eta bi... [+]
Ehundik gora lagun elkartu dira Ilharren (Nafarroa Beherea) Bidarteberria etxaldearen aitzinean, zerbitzu sanitarioko ordezkariei bidea mozteko. Hegazti gripearen testuinguruan, 200 ahateren hiltzea oztopatzea lortu dute.
Kanpoan hazten diren hegaztiak hiltzea da Frantziako Gobernuak darabilen estrategia, hegazti gripeari aurre egiteko. Euskal Herriko Laborarien Batasunak (ELB) ohartarazi du estrategia hori antzua dela eta etxalde txikiek ez dituztela kudeaketa txarraren ondorioak pairatu behar... [+]