Barcinak PSN limurtu nahi du ez dimititzeko
Nafarroako politika orokorreko eztabaidaren barruan, Yolanda Barcinak legealdia osorik betetzeko konpromisoa hartu du eta PSNri pakturako prest dagoela adierazi dio.
“Ezaguna da nire iraunkortasuna” adierazi du Nafarroako Foru Erkidegoko presidenteak. "Ez ditut hauteskundeak deituko lau urterako hautatu nautelako". Hitz egiteko doinua gogortu du oposizioari esateko, zentsura mozioa aurkeztu dezaketela eta hiru edo lau alderdiko koalizioa osatu gobernatzeko. "Eta bestela, utzi gobernatzen".
Ekonomiak garrantzi handia hartu du eztabaidari sarrera emateko Barcinak egin duen hitzaldian. Nafarroa "idilikorik" marraztuko ez duela esan ondoren, Espainiako Estatuko datuen aldean Nafarroaren egoera hobea dela esateko datuak erabili ditu.
Era berean, sektore publikoko murrizketen alde egin du buruzagi foralak: “Egin behar duguna administrazioen kostua arintzea da, benetan lana sortzen dutenek, enpresarioek eta autonomoek, euren jarduera egin ahal izan dezaten karga fiskal gutxiagorekin”.
PSNri keinuka
Alderdi abertzaleei eta bereziki ezker abertzaleari kritika gogorrak egin ostean, UPN eta PSNren arteko elkar ulertzea goraipatu du Barcinak. "UPN ez da aldatu paktuak lortzeko borondatean" adierazi du. "Batzen gaituena berreskuratu behar dugu", adierazi du. "Kostatzen zait pentsatzea PSNk nazionalismoaren marra gorria pasako duela".
EAEn PSEk EAJrekin sinatutako akordioa erabili du argudio gisa Nafarroako presidenteak. "Nafarroako sozialistok. Nafarroa maite baduzue, proposatzen dizuet gaur bertan sinatzea, formula berarekin".
Osasun publikoaren egoeraz autokritikarik ez
Osasunbideari eskainitako zatian, Barcinak Nafarroako osasungintza publikoaren egoera oro har ona dela adierazi du eta kritikatu du oposizioak iritzi horren kontra erabiltzen duten argudio nagusia ospitaleetako janari txarra seinalatzea dela. Barcinak "kanporatu" hitza erabili du ospitaleetako sukaldeen pribatizazioaz hitz egiteko.
Barcinaren arabera, nafar bakoitzeko 1.634 euro gastatzen ditu gobernu foralak osasun publikoan (Espainiako bataz bestekoarekin alderatu du, 1.364 euro herritar bakoitzeko). Lehentasun nagusia Nafarroako presidentearen arabera itxaron-zerrendak laburtzea da
Kultur mezenasgoa eta alemana sustatzea
Kulturan, mezenasgo legearen alde hitz egin du, Europan mota horretako ekimen bat hartu duen lehen erkidegoa Nafarroa dela azpimarratuz (lege horrekin zalantzak edukitzeko zenbait motibo artikulu honetan).
Hezkuntzan, atzerriko bigarren hizkuntza sartzearen alde egin du Barcinak. Ingelesaz gain, alemana sustatu behar dela adierazi du Barcinak, euskarari buruzko aipamenik apenas egin duen hitzaldian.
Belateko tunelen adjudikazioan ez zela irregulartasunik egon esan du Nafarroako lehendakari Maria Chivitek. Espainiako Senatuan egin du agerraldia, Koldo auzia ikertzeko batzordean.
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
.jpg)
Nafarroako Gobernuan ondare historikoaz arduratzen den erakundea da Vianako Printzea, eta Iruñeko Udala haren zain zegoen birgaitze prozesuarekin aurrera jarraitzeko. Datozen asteetan, beraz, obrarako lehiaketa irekiko da.
Nafarroako Gobernuak azken urteotako esleipen publikoen gaineko txostenak eskatu dizkio ustelkeriaren kontrako bulegoari Nafarroako Parlamentuko ikerketa batzordeak aginduta. Belateko txostenean, esleipena erabakitzerako orduan arau haustea ikusi du bulegoak.
Joxe Lacalle Huarte da horietako bat, 1978an Guerrilleros de Cristo Rey taldeak bere tabernan egindako eraso baten biktima izan zen; 1979an lehergailu bat jarri zioten tabernan eta 1981ean Guardia Zibilak torturatu egin zuen. Gainerako bostak Espainiako Poliziak torturatu... [+]
Nafarroako Torturatuen Sareak eta Egiari Zor elkarteak ostegunean jakinarazi dutenez, Nafarroako Gobernuak “giza eskubideen urraketaren biktima” modura aitortu ditu sei herritar, 16/2019 Foru Legearen babesean.
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Dagoeneko Guardia Zibilek eta zenbait herritako udaltzaingoek badute taser pistolak erabiltzeko eskumena Nafarroan, eta badirudi bide horretan hurrengoa Foruzaingoa izango dela: Nafarroako Kontseiluak Foruzaingoak taser pistolak eman ahal izatea "indarrean dagoen... [+]
