Barazkiak landatu dituzte Neguriko eta Gorraizko golf zelaietan

  • Jauzi Ekosoziala eta Extinction Rebellion taldeetako kideak izan dira ekintza egin dutenak. Uraren xahuketa salatzu nahi izan dute.

Gorraizko barazkien landaketa

2023ko uztailaren 03an - 11:18
Azken eguneraketa: 12:23

Barazkiak landatu dituzte golf zelaietan uraren xahuketa salatzeko asmoz, hain justu tipulak Negurin eta berenjenak Gorraizen. Jauzi Ekosozialak eta Extiction Rebellion taldeek sareetan zabaldu duten bideo honetan ikus daiteke ekintza.

https://twitter.com/Jauzieko/status/1675586088650301441?s=20

Ur xahuketa gutxiago egiteko eta ekologian gehiago pentsatzeko aldarria egin, eta klima larrialdi betean, ura “aberatsen jostailuetan” xahutzen dela salatu dute ekintzaileek. Estatuan dauden 436 golf zelaiek Bartzelonako eta Madrilgo hiriek baino ur kopuru handiagoa kontsumitzen dutela diote, Naizek argitaratu duen informazioaren arabera.

Hego Euskal Herriko golf zelaiak

Guztira 22 golf zelai daude Hego Euskal Herrian: Araba, Bizkaia eta Gipuzkoan hamazazpi eta Nafarroan bost. Gainera, aurreikusia dago Baztanen beste golf zelai bat eraikitzeko proiektua.


Kanal honetatik interesatuko zaizu: Ekologismoa
Urdaibaiko Guggenheimek eta Donostiako Santa Klara uharteak bandera beltza jaso dute, iaz bezala

Ekologistak Martxan elkarteak bandera beltzak banatzen ditu urtero, kutsaduragatik eta kudeaketa txarragatik. Getariako makrogranjak eta Leioako Lamiakoko padurak jaso dituzte beste bi banderak.


E-CHO proiektua: Pirinioetako oihanak, abioiak hegalarazteko erregai

E-CHO izenaren gibelean gordetzen den makroproiektuari so jarri gara, Zuberoatik hurbil, Biarnoko Lacq herrian egitekoa den egitasmo omen ekologikoa hurbilagotik ezagutzeko asmoz. Hiru gune industrial lituzke: hidrogenoa ekoizteko fabrika erraldoi bat, eta hegazkinentzako eta... [+]


Surf parkerik ez dute eraikiko Donostiako Antondegin, udal gobernuak atzera egin du

Donostiako Udalak El Diario Vascori filtratu dionez, ez dute olatu artifizialen surf parkerik eraikiko Martutene eta Txomiñenea auzoen artean dagoen Antondegi mendian. Albisteak sorpresa eta poza eragin du mugimendu ekologistan, izan ere, orain arte EAJ eta PSE-EE sendo... [+]


Eguneraketa berriak daude