Baratzean landaregile handiekiko menpekotasunetik burujabetzara
Lapurdi eta Behe Nafarroako lau etxalde elkartu dira baratzerako beren landare txiki biologikoak egiteko. Kooperatiba sorturik, elkarrekin tresneria erosi eta lanpostu bat sortuko dute.
B aratzegintzan diharduten zortzi nekazariok, landare txikiak saltzen dituzten enpresa handiekiko menpekotasuna hausteko ideia bat izan zuten: zergatik ez laborantza biologikoan ziharduten lau etxaldeak elkartu eta beraien baratzetarako landare txikiak ekoizten hasi? Horixe da Hazitik Azira egitasmoa, eta beharrezko materialak eta baliabideak eskuratu ahal izateko diru bilketa kanpaina dute orain abian.
Ekoizle txiki eta biologikoen aliantzatik sortua
Biriatu, Irisarri eta Lekorneko lau etxalde batu dira ekimenera, guztira baratzegintza biologikoan diharduten zortzi ekoizle dira. “Orain arte landare ttipiak kanpotik ekartzen genituen, baina konturatu ginen horrek gure sistemak ahul egiten zituela, kanpoko horien erabakiekiko menpeko ginelako”, azaldu digu Argitxu Ithourria Lekorneko Garroa etxaldeko ekoizleak.
Duela bi urte hasi ziren proiektu hau pentsatzen, eta kooperatiba forma hartu zuen egitasmoak. Aurtengo martxo-apirila ingururako landare txikiak ekoizten hastea zen beraien helburua, udaberri eta udan baratzea horiekin egiteko. Baina koronabirusaren krisiak atzeratu egin dizkie planak: “Irailean behintzat horrekin hastea da orain gure helburua, horrela, hurrengo urtean izanen ditugu landareak”, azaldu digu Lekorneko ekoizleak.
Diru bilketa abian
Kooperatibatik landare txiki biologikoak ekoizten hasteak inbertsioa eskatzen die proiektuko kideei, eta gastuei aurre egiteko asmoz abiatu dute diru bilketa kanpaina internetez. Helburua 12.000 euro lortzea da. “Batetik, landareak ekoizteko tresna bat lortzeko erabiliko dugu dirua: tresna horrekin lur beltza hartzen da zakuetan eta molde batean finkatzen da, horren gainean landareak ereiteko”, dio Ithourriak. Horrez gain, landaretxo biologikoen ekoizpenerako lanpostu bat ere sortuko dute.
Burujabetza irabaztea da helburua: “Proiektu hau denentzako da, kontsumitzaileentzat ere bai”. Egitura handi bat sortu beharrean, lau etxaldeentzako eta inguru horretako baratzezain txikientzat egitura txiki bat sortzea da ideia. “Bakoitzak bere aldetik egitea baino, laurok bat eginez tresna ederragoa sortzeko aukera izanen dugu”. lepotsolidaire.fr webgunean egin daitezke ekarpenak uda bukaera arte.
David de Blasek abiatutako proiektua da Azpigorri Ahuntz Txorizoak, eta izenak argi uzten duenez, azpigorri arrazako ahuntzekin ari da lanean. “Urteetan industrian aritu nintzen lanean, baina pandemia garaian artzain eskolara joan nintzen, eta ikasketak amaitutakoan... [+]
Hamabost urte baino gehiago daramatza martxan Bizkaiko Kimuak ernamuinduen proiektuak, baina hasierako bultzatzaileak erretiratu dira eta erreleboa hartu berri dute Mikel Landa Luzarragak eta Asier Iñigo Oraindik. Ernamuindutako kimu freskoak ekoizten dituzte batik bat,... [+]
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
2024ko irailetik martxan dute Urduñan Belardi hiltegia eta haragi-eraldaketarako gunea. Elikadura burujabetzaren bueltan herrian urte askoan egin duten prozesuaren ondorio da proiektua, Bedarbide abeltzainen elkarteak bultzatu duena. “Sektorean egindako ikerketatik,... [+]
Pirinioetan dago ezpel basatien munduko eremurik handiena, eta hain zuzen Nafarroako Pirinioan, Abaurregainan, sortu zuten 2020an Ezpelzaintza 2050 egitasmoa. Cydalima perspectalis sitsa hondamendi handia eragiten ari da ezpeldietan azken urteotan, eta espeziea babesteko eta... [+]
Duela urtebete pasa gauzatu zuten Ortulaguntza proiektua Debagoienan. Langile bat kontratatu dute bailarako nekazaritza proiektu txikietan txandaka lanean aritzeko, hartara ekoizleei lan karga arintzeko eta baldintzak duintzeko. “Sektorea zaurgarri zegoela eta errelebo... [+]
Maiatzaren 10ean egun osoko festa berezia antolatu dute Zestoako Amilibia baserrian. Agroekologiaren eta elikadura burujabetzaren alde, Gipuzkoako Biolur elkarteak abiatutako proiektua da Amillubi, eta udaberriko hitzordua aitzakia paregabea izanen da tarte eder bat partekatu... [+]
Proventza eskualdean, Alpeen hegoaldean abiatu zuten Lili Saint-Laurent euskaldunak eta Mathias Guibert proventzarrak abeltzaintza proiektua duela hamar urte pasatxo. “Ardi, ahuntz, behi, txerri eta pottokekin plantatu ginen etxalde dibertsifikatua landuz, baina laborantza... [+]
2021 inguruan hasi zen Itziar Presa Blasco gernikarra konbutxaren munduan murgiltzen. “Magisteritza ikasi nuen nik, eta hezkuntzan aritu nintzen urteetan lanean, baina semeak jaio zirenean etxean geratzeko aukera izan nuen, eta ordu arteko guztia, nolabait, apurtu egin... [+]
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Duela lau urte abiatu zuten Azpeitian Enkarguk proiektua, Udalaren, Urkome Landa Garapen Elkartearen eta Azpeitiako eta Gipuzkoako merkatari txikien elkarteen artean. “Orain proiektua bigarren fasera eraman dugu, eta Azkoitian sortu dugu antzeko egitasmoa, bere izenarekin:... [+]
Donostiako Amara auzoko Izko ileapaindegi ekologikoak 40 urte bete berri ditu. Familia-enpresa txikia da, eta hasieratik izan zuten sortzaileek ile-apainketan erabiltzen ziren produktuekiko kezka. “Erabiltzaileen azalarentzat oso bortzitzak dira produktu gehienak, baina... [+]
Ubidekoak (Bizkaia) dira Imanol Iturriotz eta Aritz Bengoa gazteak. “Lagunak gara txikitatik, eta beti izan dugu buruan abeltzaintza proiektu bat martxan jartzeko ideia”, azaldu du Iturriotzek. Nekazaritzari lotutako ikasketak izan ez arren, baserri munduarekin eta... [+]
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]