Barañaingo Udalak herritar euskaldunen eskubideak urratzen dituela salatu du kirolari talde batek
UPNk gidatzen duen Barañaingo Udal Gobernuak kirol zerbitzuko administrari lanpostuan euskararen eskakizuna desagerrarazi du, eta orain ez da euskaraz arretarik ematen.
Barañaingo hainbat kirolari euskaldun eta euskaltzale bildu dira udalak kirol arloko euskarazko arreta bukatu dela salatzeko. Erabaki horren ondorioz "udal zerbitzu honetan ere, udalak herriko bizilagun euskaldunok bigarren mailako herritarrak" bezala hartzen dituela azpimarratu dute.
Gogoratu dutenez, 2021era arte kirol zerbitzuko administrari lanpostuak euskararen ezagupen eskakizuna zuen langile elebidun batek arreta ematen zuen. "UPNk, garaian NA+k, beste hainbat lanposturekin batera euskara ezagupenaren eskakizuna kendu zion lanpostu horri. Orain, langile berria sartu da lanpostu horretara, eta euskararen ezagupena eskatzen ez denez, langile elebakarra da eta ezin du euskaraz arretarik eman", salatu dute.
Euskarafobia
Zabaldu duten manifestuan UPNren "jarrera euskarafoboa" salatu dute, eta nabarmendu dute aldaketa hauek "udal zerbitzuen kalitatean galera" dakartela. "Gainera, neurri hau Barañaingo euskara ordenantzaren kontra doa, honen helburua “Barañaingo bizilagunek udal zerbitzuak euskaraz izan ditzaten bermatzea” delako. Gainera, ordenantza honi jarraikiz, Nafarroako Auzitegi Administratiboak Barañaingo Udalak hartutako antzeko neurriak atzera bota zituen, Lagunakeko eta Kultur Etxeko atezainena besteak beste", gogoratu dute.
Barañaingo kirolari euskaldun eta euskaltzale talde honek adierazi du "irmoki" defendatuko dutela "Barañainen, aisialdian, hezkuntzan, lan eremuan, kirola egitean, zein udalarekin harremantzerakoan euskaraz" egiteko eskubidea.
Euskalgintzaren Kontseiluak deituta, Espainiako Auzitegi Gorenak joan den astean ebatzitako sententzia salatzeko prentsaurreko bateratua egin dute Bilbon. Sententzia "euskal gizartearen eta euskal erakundeen borondate demokratikoaren aurkako eraso zuzena" dela... [+]
Lizarrako Udalak udarako antolatu dituen bost musika ikuskizunetan eta beste horrenbeste film emanaldietan bat bera ere ez da euskaraz izanen; datorren astean hasiko diren festen egitarauan haurrentzako ekitaldi bat dago euskaraz programatua, justu, erraldoi eta buruhandien... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok... [+]
UEMAren zuzendaritza batzordeko kideek hedabideen aurrean agerraldia egin dute ostegun eguerdian Zarautzen, Espainiako Auzitegi Gorenaren azken epai euskarafoboa salatzeko. Epaia "larria" dela adierazi dute, eta batez ere udalerri euskaldunei eta euskaraz aritzen... [+]
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]