Urteko lehen lan heriotzaren berri eman du Barakaldon Berrio Otxoak plataformak
Urtea hasi orduko jazo da Euskal Herriko lehen lan heriotza, Barakaldon. Berri Otxoak plataformak eman du ezbeharraren berri, eta jakinarazi duenez lan istripu ez traumatiko batek eragina izan da. Plataformak elkarretaratzea deitu du ostiralean gertakaria gaitzetsi, zendutakoaren lagun eta senideei babesa eta elkartasuna helarazi eta prekarietatea salatzeko.
aurre egingo dieten hedabide independenteak
Berri Otxoak gizarte bazterketaren aurkako eta gizarte eskubideen aldeko plataformak ohar bidez ezagutzera eman du berriki Barakaldon jazotako lan heriotza. Urtarrilaren 3an galdu zuen bizia 59 urteko langile batek, lan istripu ez traumatiko baten ondorioz, La Casa del Electricista-n lanean ari zela.
Plataformak, heriotza ezagutzera emateaz gain, elkarretaratzea deitu du gertakaria gaitzetsi eta senide eta lagunei babesa zein elkartasuna adierazteko. "Laneko prekarietateak hil egiten du, Lan istripurik ez!" lelopean bilduko dira ostiralean, 19:00etan, Barakaldoko Bide Onera plazan. Mobilizazioa baliatuko dute laneko prekarietatea eta horren ondorioak salatzeko; izan ere, azpimarratu dutenez, "lanpostu batean heriotza bat jazotzen denean eskutik doaz azpikontratazioa, prekarietatea, prebentziorako neurrien falta edota segurtasun neurrietan inbertsiorik ez egitea, aipatu gabe lehoi-antzeko produkzio eskakizunek eragiten dituzten lan-erritmo biziak edota estres egoerak".
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.