ARGIA.eus

2020ko apirilaren 09a

Banderazok ausardiaz egin dio aurre Korrikako lekukoaren ikurrinatxoari

  • Asteburuan ezagun egin dira Korrikako beheko argazki hau edo honen antzerakoak, larunbatean Joseba Asiron Iruñeko alkateak Korrikaren lekukoa jaso baitzuen Iruñeko Udal plazan. Milaka pertsona izan ziren une eder eta hunkigarriaren lekuko.

     

Xabier Letona @xletona
2019ko apirilaren 08a

 

 

 

 

Joseba Asiron Iruñeko alkateak ikurriña hartu zuen unea. (Arg.: AEK) . Beheko irudian, erantzun gisa, Banderazo kolektibo nabarristak jarritako bandera.

 

 

 

Gipuzkoako Etorbidean Banderazok jarritako bandera.

Horraino dena normala, Korrika moduko ekitaldi bateko irudi eder bat gehiago eta kito, oso sinbolikoa hori bai, Iruñeko alkateek ez baitituzte sarri hartzen Korrikaren lekukoak, baina tira, azken lau urteetako aldaketa ugarietako bat gehiago.

Denak ez gustora, ordea, eta nabarrismoak "euskal inperialismoa" salatu du berriz ere Iruñeko alkateak ikurriña eskuetan eraman duelako. Barregarria da, txisteen eremukoa, baina besterik ez dutenean, euren kanpainarako edozer baliatu behar duten seinale; sarritan izan dira presoen aurpegiak edo Korrika jazten duten bestelako aldarrikapen asko eta oraingoan, Banderazo lekukoaren ikurriña defendatzera atera behar izan da. Nafarroari haien ustez atzerrikoak diren ikurrekin –beti euskal ikurrak– "eraso egiten zaionean" ateratzen da Banderazo kolektiboa Nafarroako "egiazko ikurrak haizatzera", ohikoan Nafarroako bandera konstituzionalista handi bat. Banderazoren argazkiak eta albistea Navarra.com-etik jaso ditugu.

Bai, hori baino konplexuagoa izango da, jakina, baina batek pentsa dezake, halakoak besterik ez dituzten bitartean, ez gabiltzala gaizki hurrengo Korrikan Asironek berriz jaso dezan lekukoa Iruñeko alkate gisa.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Nafarroako politika  |  Iru˝ea

Nafarroako politika kanaletik interesatuko zaizu...
Azkenak
EGILEA
Argia buletina
Egunaren laburpena
zure e-postan
Eguneraketa berriak daude