Baleak arrantzatzeari ekingo dio berriz Japoniak
1982an utzi zion baleak merkataritza helburuekin hiltzeari. Beraien ur eremuan arrantzatuko dute, datorren uztailean hasita.
Baleen kontrolik gabeko arrantza sahiestu asmoz sortu zen 1950eko hamarkadan Nazioarteko Baleen Batzordea. 1982an onartu zuten baleen arrantza momentuz debekatzea, eta Japoniak bat egin zuen erabakiarekin. Datorren urtean, ordea, Batzordetik atera eta baleen arrantzari berriz ekitea erabaki du gobernu japoniarrak.
Yoshihide Suga Japoniako Gobernuko eledunak jakinarazi duenez, Nazioarteko Baleen Batzordeak ez du “behar beste hausnartu” baleen arrantzaren debekua kentzeko eskaria. Horregatik arrantzatzen hasiko dira, Sugaren hitzetan, “beti ere itsasoko baliabideak zainduz”.
Greenpeace: “Larritzekoa da”
Japoniaren erabakia gogor salatu dute animalien eskubideen aldeko erakundeek. Humane Society erakundeko zuzendari Kitty Block-ek “mehatxutzat” jo du Japoniaren jarrera. “Itsas pirata” batzuk izango direla esan du, eta nazioarteko erabaki bateratu bat ez dutela beteko. Bestalde, Japoniako Greenpeaceko arduradun nagusia, Sam Annesley, “arduratuta” azaldu da: “Larritzekoa da Japonia Batzordetik irtetea, batik bat honen atzetik gehiago irten daitezkeelako”. Dena den, Japonako gobernuari “zentzuz” jokatzeko eskatu dio.
Bizkaiko Golkoko uretan arrantza debekatu dute hilabetez, izurdeak babesteko. Arrantzaleek prezioen igoera aurreikusi dute, eskaintzak behera egingo duelako. Talde ekologistak neurriaren alde agertu dira.
Hiru arrantzaleetatik bi desagertuta daude, eta erreskatatu dutena Baionako ospitalean artatu dute, hipotermiak jota.
Bai hauteskunde egunean, bai posta bidez botoa eskatu ahal izateko epean itsasoan direlako, arrantzale asko ezin bozkatu geratzen dira hauteskundeetan. Telematikoki bozkatu ahal izan dezaten legea aldatu bitartean, oraingoan ere abstentzionisten zerrendan sartuko dituztela... [+]