Baionan egingo dute Euskaraz Bizi Eguna apirilaren 16an
“Izan, egin, eragin. Euskal Herrian Euskaraz” lelopean egingo dute Euskaraz Bizi Eguna apirilaren 16an Baionan. Euskal Herrian Euskarazek azaldu du “euskaraz bizitzearen aldeko hautuari behar duen bultzada emateko eguna” dela.
“Euskaldunok bizi dugun egoera gordinak ez du aldaketa sakonik izan, hizkuntzen arteko elkarbizitzan bigarren mailako herritarrak izaten jarraitzen baitugu”, salatu du EHEk. Horren aurrean, “euskararen alde egotetik, euskararen alde egitera” pasatzeko deia egin dio gizarteari, “mendeetako zapalkuntzak sortu dituen ustezko errespetuzko jokabide otzanak gainditzeko garaia” dela iritzita.
EHEk uste du “euskara, euskalduna eta herri euskalduna eztabaida politikoaren erdigunean” kokatzeko unea dela, lehentasuna emango dioten legedi eta politikak abiatuz. Euskararentzat erabakigarria den testuinguruan, “beretik eta komunitate moduan” bultza egitera deitu ditu euskaltzaleak. Bide horretan, “norbanakoen ahalduntzea” dute erronka nagusi.
Eragile euskaltzaleak urteak daroatza euskararen alde lanean, garai bakoitzeko testuingurura egokituz. Sei urteren ostean, Hizkuntza Eskubideen Eguna atzean utzi eta Euskaraz Bizi Egunari heldu zioten. Urteen poderioz, dimentsio zabalagoa hartzen joan da jaia eta aldarrikapena uztartzen dituen ekimena.
Guztientzako egitaraua
Haur, gazte eta helduentzako ekintzak antolatu ditu Baionan egingo den Euskaraz Bizi Egunak. Joko eta puzgarriak izango dituen umeentzako txokoa jarriko dute goizean eta haurrek Porrotxen bisita jasoko dute 11:00etan. Une horretan, artisau eta eragileen erakustazoka ere izango da. Bazkalostean, kalejira koloretsua hasiko da, 17:30ean, “Izan, egin, eragin. Euskal Herrian Euskaraz” lemapean. Kontzertuek itxiko dute egitaraua.
Honakoa da Euskaraz Bizi Egunaren egitarau osatua:
10:00etatik aurrera egunari hasiera eman ondoren
Artisau eta eragileen erakustazoka hasiko da
Umeentzako txokoan, joko eta puzgarriak izanen dira
Porrotxek, 11:00etan, bertan gaudenon irriak azalaraziko ditu
Behatokia eta Kontseiluaren eskutik #Akuilari tailerra izanen da
13:30ean
Herri bazkaria eta kantaldia Erramun Martikorenarekin
17:30ean
Kalejira koloretsua: “Izan, egin, eragin. Euskal Herrian Euskaraz”
Ondoren... Bertso-poteoa Xumai Murua eta Ortzi Idoate bertsolariekin, Elektrotxarangaz lagunduta
21:00etan Kontzertuak
Torii
Sorkun
Djak
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
Oraingoz hamabi gazte-taldek eman dute izena. Taldeen arteko bikoteak osatuko dituzte, eta haien arteko harreman informalak euskaratik eta euskaraz garatuko dituzte. Helburua da kontzientzia linguistikoa berpiztea. Euskal Herrian Euskarazek eta Gazte Euskaltzaleon Sareak abian... [+]
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Euskaraz deklaratzea ukatu dio epaileak, eta erabaki du ez parte hartzea bere aurkako epaiketan. Auzitegi kanpoan babesa ematera joandako hamarnaka euskaltzaleren aurrean desobedientziarako deia egin du Torrek. Guztira 3.268 euro ordaintzera zigortu dute.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Taldea ezagutarazteko eta proiektua finantzatzeko antolatu dute egun osorako egitaraua.
Euskal Herri euskalduna aldarrikatzeaz gain, euskararen aldeko borrokak kalean ikustaraztea eta indartzea izango du xedetzat.
Asteburuko egitaraua aurkeztu dute EHEko kideek. Besteak beste, sei tailer egingo dituzte bi txandatan, euskalgintzako pertsona esanguratsuekin.
Topaketak urriaren 7an eta 8an Villabona-Amasan izango dira. Euskara eta independentzia ardatz hartuta, zenbait gairen inguruko hausnarketak egingo dituzte.
Ehunka lagun elkartu dira Euskal Herrian Euskaraz-ek Iruñean egindako mobilizazioan. Zonifikazioaren legea alde batera utzi, eta Nafarroa osoan euskara ofizial izatea aldarrikatu dute.