Baionako bestak abiatu dira, sarrera kobratuz eta protokolo feminista prest
Ostiraletik igandera bitartean kanpokoek Baionan sartzeko ordaindu behar dute. Herriko Etxearen erabakia da eta argudiatu du segurtasun neurri zorrotz eta garestiei aurre egiteko erabiliko dela dirua.
16 urtetik beherakoek izan ezik, beste guztiek 8 euroko sarrera ordaindu beharko dute. Segurtasuna bermatzeko 2011n Frantziako Estatuak urtean 400.000 euro gehiago jartzeko eskatu zion udalari. Harrezkero, segurtasun neurriak zorroztu egin dira eta 140.000 euro gehiago jartzea eskatu dio Frantziako Gobernuak Baionari. Hori jakinda, gastuei aurre egiteko kanpotik doazenei sarrera ordainaraztea erabaki du Herriko Etxeak.
Sarrera ordaintzearen aurka protesta eginez, peñek abiatuta beltzez jantzita Herriko Etxearen atzeko plazara joan dira herritarrak asteazkenean, besta alternatiboen irekieran.
Baiona ere eraso sexisten aurka
Zizpa gaztetxeak antolatuta besta alternatiboak abiatu dira, azken urteetan bezala.
Irekiera alternatiboan kolektibo feministak izan du protagonismoa eta pozik agertu dira, eraso sexisten kontra Herriko Etxeari eskatu dioten protokoloa onartu duelako honek: alegia, erasoren baten salaketa egonez gero, Herriko Etxeak auzian parte zibil gisa aurkeztuko du bere burua.
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.
2.700 kilometro eginda, igandean helduko da Korrikaren lekukoa Baionako Askatasun plazara, 12:30 inguruan, eta mezu sekretua irakurriko du egileak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak, haurrentzako... [+]
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.