LGBT+ eragileek Baionako apezpikua salatu dute Aita Santuak bikote homosexualez esandakoa desitxuratzeagatik
Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko apaizei aholkatu zien homosexualei bedeinkapenak banaka ematea eta konbertsio terapiak egitea eskatzea. Les Bascos elkarteak Ailleten agiria kritikatu du. Euskal Irratiek, berriz, Altxalili taldeko kide bat elkarrizketatu dute.
Les Bascos: “Aholku horiek Errepublikako legezkotasun printzipioen aurkako eraso jasanezinak dira”
Les Bascos elkarteak (LGTBI pertsonen eskubideak aldarrikatzen ditu batez ere Ipar Euskal Herrian) argitara eman duen oharrean, Baionako apezpikuak urte luzetan LGBT+ pertsonen eta emakumeen aurka egindako adierazpenen eta hartutako jarreren errepasoa egin du. Hala, gaineratu du inor ez litzatekeela harritu behar haren jarrera zatitu zale eta atzerakoien aurrean. Elkarteak azaldu du, oraingoan, duintasunari eta LGBT+ pertsonen eskubideei uko egitearen bidean beste pauso bat eman duela. Les Bascosen ustez, Vatikanoak argitaratutako artikulua, Fiducia suplicans “sekulako iraultza da, bikote homosexualak bedeinkatzeko baimena eman izana LGBT+ pertsona katolikoei eta haien familiei egindako keinua da”.
Aillet apezpikuaren galdera jaso du elkarteak: “Harreman homosexual baten bidez elkartutako bikoteak edo egoera irregularrean dauden bikoteak bedeinkatuz gero, ez ote dute sinetsiko batasun hori legitimoa dela?”. Elkarteak kritikatu du apezpikuak bikote izateko eskubidea ukatu diela homosexualei, eta salatu du apaizei eskatu diela harrera bikoteei egin beharrean pertsonei banaka egitea. Apezpikuak apaizei aholkatu die bedeinkapen bila elizara gerturatutako homosexualei sexu orientazioa bihurtzera eta bikote harremana moztera gonbidatzeko. Kontseilu hori eman izana gaitzetsi du Les Bascos elkarteak. Apezpikua Baionako elizbarrutiko apaizei mintztu zaie, alegia, Ipar Euskal Herri osoa eta Pirinio Atlantikoetako gainerako lurraldea ere barne hartzen ditu elizbarrutiak.
Les Bascosen iritziz, “aholku horiek LGBT+ pertsonen eta Errepublikako legezkotasun printzipioen aurkako eraso jasanezinak dira”. Beste behin, Baionako apezpikuaren pentsaera "atzerakoi, fundamentalista eta zatitu zalea" salatu dute.
Altxalili kolektiboa: “Aita Santuak emandako urratsa, urrats ttipi bat da”
Euskal Irratiek Ipar Euskal Herriko barnealdean aritzen den Altxalili taldearen iritzia jaso dute. Taldeko ordezkariak gogorarazi du konbertsio terapiak legez kanpokoak direla eta debekatuta daudela Frantziako Estatuan eta Espainiako Estatuan. Taldearen ustez, konbertsio terapiak “izugarrizko bortizkeria” dira. Haien ustez, Elizako kontserbadoreek ez diete zuzenean aurre egin nahi Aita Santuaren esanei eta haien jarraitzaile kontserbadoreak atxiki nahi dituzte. Hala, haren hitzak okertu dituzte.
Euskal Irratiei eskainitako elkarrizketan hala baloratu ditu ordezkariak Aita Santuaren hitzak: “Aita Santuak emandako urratsa, urrats ttipi bat da, ez da gaizki, urratsez urrats ea Elizak onartzen dituen denak, ikusiko dugu".
"Aita Santuak errandakoa Ebanjelioaren edo Bibliaren aldekoa da, Elizak behar ditu onartu denak”. Elizaren barneko “lazgarriko hipokrisia” aipatu du elkarrizketatuak, eta esan du, adibidez, Parisen badela parrokia bat duela 30 urtez geroztik onartzen dituena bikote homosexualak eta eztei gisakoak egiten dituztela.
Zinema eta arte eszenikoen LGTBIQ+ jaialdia Bilbon ospatuko dute ekainaren 23tik 30era,50 jarduera baino gehiagorekin.
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Bekat’uros LGBTQIA+ euskal besta hirugarren urtekoz iraganen da Atharratzen. Apirilaren 12an egun osoko egitaraua antolatu du Prefosta elkarteak, usaiako karrika inguruarekin, kontzertuekin eta ikusgarriekin.
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
Larretxeatarren oinordea da, aizkolari, harri-jasotzaile, txinga-eramale eta, oro har, herri-kirolari handien ondokoa. Patxi du aita; Donato, berriz, osaba. Hasier Larretxea, aldiz, da gizarte langile, da idazle, da homosexual. Harro beharko genuke denok.
1984an ‘Bizitza Nola Badoan’ lehen poema liburua (Maiatz) argitaratu zuenetik hainbat poema-liburu, narrazio eta eleberri argitaratu ditu Itxaro Borda idazleak. 2024an argitaratu zuen azken lana, ‘Itzalen tektonika’ (SUSA), eta egunero zutabea idazten du... [+]
Manifestazio jendetsuak egin dituztean larunbatean Argentinako hainbat hiritan. Javier Milei presidenteak "pedofilo" deitu ditu LGBTIQ+ pertsonak Davoseko Munduko Ekonomia Foroan.
XV. mende bukaeran edo XVI. mende hastapenean Belauntzako Katalina atxilotu, preso sartu, torturatu, guziaz desjabetu eta erbesteratu egin zuten, Oiartzungo Maritxurekin “haragizko harremanak” ukateagatik. 500 urtez isilean eta artxiboetan galdurik egondako... [+]
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]