“Bai nire alaba, bai hil dituzten gainerako emakumeak memoria kolektiboan mantentzeko modua da Nagore Laffage parkea”
"Plaza bat zure izenean" da Asun Casasola Ipuin Labur Lehiaketaren aurtengo gaia. Nagore Laffage zen Asun Casasolaren alaba, 2008ko Sanferminetan José Diego Yllanesek hil zuen, eta orain Irungo parke batek Nagore Laffage du izena. "Izendatzen ez dena ez da existitzen, eta horregatik da hain garrantzitsua. Norbaitek parkearen izena daraman neskaren inguruan galdetzen duen bakoitzean, besteren batek gertatu zena kontatuko dio", azaldu dio ARGIAri Casasolak.
Parkeari esker, "memoria kolektiboan mantenduko da bai hilketa matxista, bai nire alaba, baita gauza bera sufritu duten beste emakume guztiak ere, Nagore Laffage ez delako Nagore Laffage bakarrik, gainerako guztiak ere bada, biktima guztiak oroitzeko balio behar luke", dio Casasolak. Nolabait, indarkeria matxistaren kontrako borroka ikusgarri egitea ere bada parke bati Nagoreren izena jartzea, gehitu du amak.
Alaba hil zutenetik, haren memoria bizi mantentzeko eta matxismoaren kontrako mezuak zabaltzeko borroka etengabean dihardu Asun Casasolak. Eskolaz eskola oso aktibo jarraitzen du, Helena Tabernaren Nagore dokumentala besazpian, belaunaldi gazteei gertatu zena kontatzen eta indarkeria matxistaz ikasleekin eztabaidatzen. "Historia barruraino iristen zaiela ikusten dut, eta oraindik asko dagoela lantzeko: ikastetxe batzuetan, beste batzuetan baino gehiago, irakasleek eurek azaltzen didatenez. Ikastetxeetan gaia ikusgarri egitea eta lantzea bera oso inportantea da, gazteak dira etorkizun hobea izateko borroka egin behar dutenak, bultzaka datozenak. Nik ikasleei beti esaten diedana da errespetua dela gakoa, elkar errespetatzea".
"Gazteak dira etorkizun hobea izateko borroka egin behar dutenak, bultzaka datozenak. Nik ikasleei beti esaten diedana da errespetua dela gakoa, elkar errespetatzea"
Ipuin lehiaketaren bederatzigarren edizioa
Plaza batek ez, baina ipuin lehiaketa batek badarama Asun Casasolaren izena. "Asun Casasolak aurrera eramandako borroka emakume guztien askatasunaren sinbolo bihurtu da. Ama honek erakutsitako kemena eta borrokarako grina izugarria izan da eta eredu honi aitortza egiteko asmoz sortu zen lehiaketa", diote antolatzaileek.
Otsailaren 7ra arte, zabalik jarraitzen du ipuina bidaltzeko epeak. "Plaza bat zure izenean" gai hartuta, orrialde bateko testua bidali daiteke, gazte eta heldu kategoriatan banatuta. Oinarriak eta xehetasunak haien webgunean irakur daitezke.
"Lehiaketa hau opari bat da eta harrotasunez bizi dut –dio Casasolak–. Mundu guztia animatzen dut ipuinak idaztera, modu bat delako matxismoaren kontrako eta berdintasunaren aldeko gogoetak paperera ekartzeko". Hain justu, ikastetxe batzuetan lehiaketa hau baliatzen dute, ikasleak idazten jarri eta gaiaz eztabaidatzeko.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana