“Bai, gurasook eragin dezakegu ikastetxeko hezkuntza proiektu eta planetan”
Eskolaren martxa hezitzaileen kontua dela uste duenak jakin behar du gurasoek zeresana eta eragina dutela proiektuan, eta horren isla dira ikastetxeetan berriki osatu diren Eskola Kontseiluak, Ordezkaritza Organo Gorenak. “Familien ikuspegia oso inportantea da, zerbait gaizki doala ikusten badugu, adierazi egiten dugu eta kasu egin ohi zaigu”, dio Kontseiluko kide Susana Aribayos-ek.
“Ikastetxe batean dagoen ordezkaritza organo gorena da Eskola Kontseilua, irakasleek eta gurasoek osatua, eta familiek beti ordezkari bat gehiago izaten dugu. Ikastetxeko langile baten ordezkaria, normalean bedela, eta udalaren ordezkaria ere izaten dira, baina daramatzadan zortzi urteetan, behin baino ez dut ikusi udaleko ordezkaria, pentsatzen dut Bilbo hiri handia delako, herri txikietan bestela izango dela. Bigarren hezkuntzan ikasleen ordezkaritza ere gehitzen da”, azaldu digu Susana Aribayosek. Eskola Kontseiluan gurasoen ordezkarietako bat da bera, Bilboko Santutxu auzoko Luis Briñas ikastetxean (600 ikasletik gora ditu eskolak).
Garbi du ama honek: Organo Gorena espazio aproposa da ikastetxearen nondik norakoetan eragiteko, gauza inportante guztiak bertatik pasatzen baitira. “Ikastetxean aurrera aterako diren proiektuak eta hobetze plan guztiak erabakitzen dira, batzorde honek onartu behar ditu”. Kontatu duenez, kezka nagusiak izan ohi dira elkarbizitzari edo jantokiari lotutakoak.
"Gizon gehiago ikusi ohi da hau bezalako erabakiguneetan, guraso elkarteek antolatutako ekintzetan baino; txokolatea prestatzen gizon gutxi ikusi dut"
Gurasoen alea
“Gurasook, guraso elkartean landutako proposamenak ere eramaten ditugu eta aurrera atera ohi dira, batzordean eztabaidatu eta adostasuna lortu ostean. Batzuetan ez gaude denok ados, baina hitz eginez eta erdibidea bilatuz lortu izan ditugu gauzak. Familien ikuspegia oso inportantea da, zerbait gaizki doala ikusten badugu, adierazi egiten dugu eta kasu egin ohi zaigu”.
Eskola Kontseiluan zergatik parte hartu ohi dute ama gehiagok, aitek baino? Seme-alaben heziketa oraindik ere amen gain al dago?, galdetu diogu Aribayosi. “Gure kasuan, nahiz eta ama gehiago garen, aitak ere badira, eta urte hauetan gizonen parte-hartzea igotzen ikusi dut. Halere, egia da gizon gehiago ikusi ohi dela hau bezalako erabakiguneetan, guraso elkarteek antolatutako ekintzetan baino; txokolatea prestatzen gizon gutxi ikusi dut, alegia”.
"Guraso bezala, norbere seme-alabengan zentratzetik zabaldu egiten da fokua; zure kezkarekin joan zaitezke, baina gainerakoei entzun eta besteen azalean jartzen zara"
Zer ikasi du Aribayosek gune honetan? “Ikastetxe bat aurrera ateratzeak duen lan guztiaz jabetzen zara. Guraso bezala, norbere seme-alabengan zentratzetik zabaldu egiten da fokua, organo honetan gauden guztiok oso garbi dugulako ikasle guztien ongizatea bilatzen dugula, eta zure kezkarekin joan zaitezke, baina gainerakoei entzun eta besteen azalean jartzen zara”.
Ikusgela proiektuak, hezkuntzarako ikus-entzunezko materiala lantzeko wikiekimenak, hirugarren ikasturteari ekin dio gaur. Orain arte 92 bideo argitaratu baditu ere, ikasturte honetan maiztasuna handituko du, astearte eta ostegunero bideo bat aterako du eta irailetik maiatzera... [+]
Lezioa buruz ikastea, norbere eskemak eta laburpenak egitea, azpimarratzea, beste norbaiti lezioa azaltzea… Ikasteko teknika ugari dago, baina DBHko ikasleek ez dituzte egokienak erabiltzen, ikerketa baten arabera, eta azterketa sistemak badu zerikusirik horretan. Ikasle... [+]
Bullying kasuetara ez iristeko onena elkarren arteko tratu onak sustatzea dela sinetsita, Haur, Lehen eta Bigarren Hezkuntzako 67 ikastetxek parte hartzen dute Nafarroako Laguntza programan. Ikasleekin enpatia, bizikidetza, komunikazio asertiboa… lantzeko prestatzen... [+]
Andere agurgarria:
Zer moduz uda? Ondo espero dut. Oraingo honetan, harira joango naiz, zure baimenarekin.
Dakizunez, merkatu ultra-liberalenen berezko lehia-logikan sartuta, ikastetxeek era guztietako "proiektuak" abiarazi behar dituzte. Jakin behar duzu... [+]
Ume txikienen eskola-egokitzapenaz asko hitz egiten da, baina instituturako saltoa ere ez da xamurra: hormonak dantzan eta norbere beldur eta mamuak airean, Lehen Hezkuntzan babestuago egotetik ikasteredu zurrunagora igarotzen dira gazteak. Bide horretan laguntzea inportantea... [+]
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
Eroriko askoren artean badira lorpenak ere. 35 urte inguruko ama gazte batek galdetzen zidan aurreko batean nola arraio lortzen zuten beraien eskolan etxean euskara jaso ez zuten ikaskideek etxetik euskaldunak ziren neska-mutikoek bezain ongi ikastea eta hitz egitea euskaraz... [+]
Mugitzeko eta ibiltzeko zailtasunak dituzten 5 urteko bi ikasleri asteroko baso-eskola saioa egokitu zaie Irungo ikastetxean: muga eta beldur artean hasitako erronkak onura, garapen eta ikasketa handiak izan ditu. "Oso babestuta dauden ikasleak dira eta basoan aske uzteak... [+]
Nerabe batek mugikor, tablet eta pantailei ematen dien erabileran eragin handienetakoa gurasoak direla frogatu du ikerketa batek. Alegia, nahiz eta adin horretan gurasoenganako distantzia bilatu ohi den, pantailekiko garatuko duen harremanean gurasoak oraindik ere eredu direla... [+]
Eskolan adimen artifiziala erabiltzera animatu ditu irakasleak Eusko Jaurlaritzako Hezkuntza sailburuak, eraldaketa digitalaren beldur ez izateko esan die. Ikasgelan mugikorra erabiltzeari buruzko gogoeta prozesu bat ere iragarri du: “Ez dago erabilera horrek duen... [+]
Ikasturte honetan, lehen mailako ehun eskola elebidunetan 5.700 ikaslek ikasiko dute. Bigarren mailan hamasei kolegio eta lau lizeotan 1.600 dira. Zailtasun nagusia aurten ere kolegioan euskararen eta frantsesaren arteko oren parekotasuna erdiestea da.
Denok dakigu askatasuna kontzeptu zaila dela, ertz askotarikoa, hitzez definitzen zaila. Maiz mugagabetasunarekin definitu ohi dugu, baldintzamendurik gabe erabaki ahal izatearekin, ondoriorik ez edukitzearekin, edota ekintzen ardurarik hartu behar ez izatearekin. Baina ez denez... [+]