Badator Gipuzkoako Bertsolari Txapelketa 2024
- Irailaren 14ko lehen hitzorduaren aurretik, aurkezpen jaia egin dugu parte-hartzaile, babesle, eta eskualdeko bertso-eskoletako kideekin. 25 urtetik azpiko saria eta sintonia aurkeztu ditugu.
Uda hasieran aurkeztu genuen, eta irailean sartu berri, bertan dugu Gipuzkoako Bertsolari Txapelketa. Datorren larunbatean, irailaren 14an, izango da lehen saioa Urretxun. Horren aitzakian bildu gara Eskoriatzako Apotzaga auzoan, Almen bertso-eskolaren biltzeko tokian: txapelketako parte-hartzaileak, Debagoienako bertso-eskoletako haurrak, Almeneko kide gazte zein zaharrak eta txapelketaren babesleak izan gara bertan.
Gipuzkoako Bertsozale Elkartearen eta Txapelketaren babesleen presentzia ere izan da ekitaldian: Lide Herrarte Laboral Kutxako Eskoriatzako bulegoko Zuzendaria, Leire Okarantza Ibabe Fagor Taldeko Gestio sozialeko arduraduna eta Mari Jose Telleria Gipuzkoako Foru Aldundiko Kultura Zuzendaria; hiruen babesletza eta konfiantza eskertu dugu.
Ez da ausazkoa izan lekuaren aukeraketa, bertan, esan bezala, biltzen baitziren Almeneko kideak. Eta bertso-eskola horren sorreraren 50. urteurrena da, hain zuzen ere, aurtengo Gipuzkoako Bertsolari Txapelketak omendu asmo duen mugarria, irudiz eta mezuz. Hain zuzen ere, bere hitzartzean, lekuaren aukeraketaren arrazoia azaldu du Mikel Artola Gipuzkoako Bertsozale Elkarteko koordinatzaileak: "Apotzagan elkartzeak aukera ona eskaintzen digu azken 50 urteotan bertso-eskolek izan duten garrantziaz pentsatzeko. Gaur egun ez dago bertso-eskolarik gabeko txapelketarik, ez da inor egongo txapelketara bertso-eskolatik pasa gabe joango denik".
Bertso-eskolen garrantzia aitortuz, duela 50 urte aitzindari izan zirenen lana eskertu du: "Guri zaletasun bat transmititu ziguten, hitzarekiko pasio bat, bertsoarekin gozatzen ikasi genuen". Zaletasunaz gain, talde izaera ere transmititzen dituzte bertso-eskolek, hori dio Artolak. Eta horixe da, hain zuzen ere, Gipuzkoako Bertsolari Txapelketak izan nahi duen izaera.
Gazteak presente
Gaurko aurkezpenean eskualdeko bertso-eskoletako gaztetxoek presentzia izan dute: koordinatzailearen hitzartzearen ondotik, Denbagoieneko bertso-eskoletako haurrek koplak abestu dizkiete txapelketan parte hartuko duten bertsolariei.
Aurkezpenak bezala, txapelketak berak ere egin nahi dio aitortza belaunaldien arteko transmisioari, eta horixe da aurtengo azken berrikuntza: 25 urtetik beherako bertsolari onenari saria. Txapelketan parte hartuko duten 48 bertsolarietatik 10 daude adin tarte horretan, eta horietako batek jasoko du saria, finalaren egunean, abenduaren 14an.
Saria aurkeztu ondoren eta mokadutxoaren aurretik, Gipuzkoako Bertsolari Txapelketako sintonia ere aurkeztu dugu. Trigger musikariaren eskutik heldu da aurtengoa, doinu tradizionalak eta musika elektronikoa nahastuz.
Dena dago prest Gipuzkoako Bertsolari Txapelketa 2024 hasteko. Txapelketari buruzk oinformazio osoa webgune honetan eta gure sare sozialetan aurkituko duzue, eta sarrerak bertsosarrerak.eus atarian daude eskuragai. Animatu eta saioetara etorri!
24 bertsolarirekin ekingo dio bideari Nafarroako Bertsolari Txapelketak. Auritzen izango da, urriaren 4an; eta, lehen aldiz, Nafarroa Arenan izango da finala, azaroaren 29an. Saio guztietarako sarrerak salgai daude dagoeneko, Bertso Sarrerak atarian.
Xenpelar Dokumentazio Zentroak dokumentazio bilketan sakontzeko aurrerapausoak eman ditu: Bertsozale Elkarteko egitasmoen bilketa prozesuak berrikusi dira eta tokian tokiko eragileekin harremanetan jarrita, eremu horretako jarduna aztertu eta hobekuntzak bideratu... [+]
Ekainaren 12an, 64 urte zituela hil zen Tomasita Quiala Kubako izar handia. Azkeneko aldiz, 2018an etorri zen Tomasita Quiala repentista Euskal Herrira, Bertsozale Elkarteak antolatutako inprobisazioaren nazioarteko topaketa batzuen bidez. Dena hartzen zuen gogoan eta denari... [+]
“Urrats kuantitatibo eta kualitatiboa” eman du antolakuntzak, finala lekuz aldatuko du, inoizko finalik “handiena” egiteko. Zortzi saiok osatuko dute txapelketa. Sarrerak udazkenean jarriko dituzte salgai.
Lau urtero hiru txapelketa jokatzen ari da Oihana Bartra Arenas azken hogei urteetan. Bertsolaritza lehia baino gehiago dela jakitun da, baina lehia uzteak ekar lezakeen amildegiak beldurra ematen dio.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
