Saretzearen garrantzia aldarrikatuz dator aurten LGTB+ Harrotasun Eguna
Bizkaiko E28 Koordinadorak aurtengo LGTB+ Askapenaren Nazioarteko Egunerako leloa eta dataren bueltan osatutako egitaraua eman ditu ezagutzera. Ekainaren 28an ezezik, hil horretako 25ean, 26an eta 27an eta uztailaren 3an eta 5an ere ekintza ugari gauzatuko dituzte.
Bizkaiko E28 Koordinadorak agerraldia egin du ostiralean Bilboko Zirika Gunean. Koordinadora osatzen duten kolektibo eta norbanakoek aurtengo ekainaren 28rako, LGTB+ Askapenaren Nazioarteko Egunerako, zein lelo aukeratu duten eman dute ezagutzera, baita dataren bueltan antolatu duten egitaraua ere.
Koronabirusaren agerpena medio bizi izan dugun osasun krisialdian babes sareek izan duten garrantziaz jabetuta, saretzearen aldeko aldarria eraman dute lelora: “Saretuz borrokak dirau! Perseguides, clandestines, unides” (Saretuz Borrokak dirau! Jazarriak, klandestinoak, batuak) da aurten aireratuko den aldarria. “Bizirauteko, babesa bilatzeko, elkar-aurkitzeko eta bakarrik ez gaudela jakiteko sareak aipatu nahi ditugu. Baina baita, isilduak, ezkutatuak edo hilak nahi gaituztenei aurka egin eta hauen kontra borrokatzeko sortutakoak. Edota borroka-lagun diren beste kolektiboekin sortutakoak”, azaldu dute.
Egitarauari dagokionez, proposamen oparoa egin dute. Ekainaren 25etik hasita eta uztailaren 5eraino askotariko ekintzak gauzatuko dituzte: zinema kalean, mahaingurua, sari banaketa, liburu aurkepena, solasaldia, hitzaldia, ikastaroa, mendi martxa… Ekintza horiez gain, ekainaren 28an manifestazioa egingo da Bilbon; Moyua plazatik abiatuko da 18:30etan, eta Areatzaraino egingo du bidea.
Aurreko hilabeteetan bizitako ezohiko egoera tarteko, aurten antolatzeko erraztasun gutxi izan dituztela aitortu dute. Alabaina, zailtasunetatik ere atera dute irakaspenik: “Ezohiko egoera honek, Harrotasun eguna ekainaren 28an ematen den eta bertan-behera geratu daitekeen ekitaldi soil bat ez dela erakusten digu. Sexu askapena etengabeko borroka da, zeinak ekainaren 28an indartzeko bere adierazpen gorena hartzen duen. Horrela egin dugu azken 42 urteetan”.
Egitaraua osorik:
Igari-Bidankoze errepidean urtero egin ohi den omenaldian, bereziki gogoraraziko dituzte euren sexu-nortasunagatik atxilotu eta esklabo lanetara derrigortutako pertsonak. Ekainaren 17an egingo dute ekitaldia.
Legeak espetxe zigor luzeak eta delitu batzuetarako heriotza zigorra aurreikusten ditu. Mendebaldeko herrialdeek eta giza eskubideen erakundeek gogor kritikatu dute lege-testua.
Min batzuk kokatzen eta garenarekin askeago bizitzen lagundu digu askori terapiara joateak. Baina, jende politizatua izanda, zalantzak ere piztu dizkigu maiz, kontraesanak. Kezka horiek beste askorenak ere bazirela ohartu nintzen Ismael Cerónen Psicoterapia queer... [+]
Mikel Martín Conde oreretarra hil da 70 urterekin, LGTBI aktibista historikoa Euskal Herrian eta EHGAMen sortzaileetakoa. Oarsoaldeko Hitzak argitaratu duenez, uda aurretik diagnostikatu zioten gaixotasunagatik hil da ostegun goizean.