Azaroaren 18an izango da Donostian erabakitzeko eskubideari buruzko galdeketa

  • Gure Esku Dagoren dinamikaren baitan galdeketa egingo duen lehen hiriburua izango da. Lan talde bat sortu dute eta maiatzetik aurrera hasiko dira zein galdera planteatuko duten aztertzen.


2018ko apirilaren 19an - 10:12
Irudia: Irutxuloko Hitza

Donostiako udaletxean eginiko agerraldian aurkeztu du herri plataformak ekimena. 9.545 sinadura bildu dituzte galdeketa gauzatu dadin. Erabakitzeko eskubidearen aldeko dinamikak osatutako protokoloaren arabera, Gipuzkoako hiriburuaren biztanle kopurua aintzat hartuta, galdeketak herritarren %2aren babesa jaso beharko du gutxienez. Donostiako talde sustatzaileak, ordea, muga hori %5era igo du, galdeketak ahalik eta berme sendoena izan dezan.

Donostiaz gain, Irunek ere erabakitzeko eskubidearen gaiaz galdetuko du data berean. Lantalde bat osatuko dute orain, kontsultan egingo duten galdera adosteko eta hura “argia, ulerterraza eta inklusiboa” izatea ziurtatzeko. Herritarren laguntza eskatu dute plataformako bozeramaile diren Ibon Rosalesek eta Maria Luisa Sanchezek bai antolakuntzarako eta bai finantzaketarako, erronkari behar bezala aurre egin ahal izateko. Gainera, ekainaren 10ean egingo den giza katerako zortzi kilometro osatu behar dituztela gogorarazi dute. Bertatik hasiko da EAEko hiru hiriburuak lotzeko egitasmoa eta gaur gaurkoz, erronka handiena giza katea osatzea dela gogorarazi dute.  

Orain arte, deituta zeuden 780.000 biztanletatik 177.000 hartu dute parte Euskal Herriko estatus politikoaren inguruan antolatutako galdeketetan. 180 herritan antolatu dituzte; lehena, 2014an, Etxarri Aranatzen (Nafarroa). Maiatzaren 6an egingo dute hurrengo kontsulta sorta, Aiaraldean (Araba), eta 30.000 lagun inguruk izango dute bozkatzeko aukera.

 

 


Kanal honetatik interesatuko zaizu: Gure Esku
Gure Esku-k ‘Herri libre bat’ dinamika aurkeztu du

Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.


Espainiako Vueltan errepideak euskal ikurrez betetzeko deia egin dute astebururako

Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.


"Popatik hartzera" bidali ditu ertzain batek hiru lagun, euskaraz aritzea eskatzeagatik

Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]


2023-06-20 | Hala Bedi
Trebiñuren erabakitzeko eskubidea aldarrikatu du Gure Eskuk

Trebiñuko herritarrek bizi duten egoera "anakronikoa" salatu zuten igandean.


Eguneraketa berriak daude