Auzolana pilotalekua ez ikutzeko aukera jasoko du Gasteiz Antzokiaren ideien lehiaketak

  • Gorka Urtaranen gobernuak Auzolana pilotalekuaren oraingo egoerari eusteko aukera emango du Gasteiz Antzokirako ideia-lehiaketan.

Auzolana pilotalekua. (Argazkia: Arabako Alea)
Artikulu hau CC BY-SA 3.0 lizentziari esker ekarri dugu.

2017ko urtarrilaren 18an - 09:24

Udal gobernuak Auzolana pilotalekuaren oraingo egoerari eusteko aukera emango du Gasteiz Antzokirako ideia-lehiaketan, "proiektuak adostasun nahikoa izan dezan sorreran, eta geroko garapenean". Udal talde politikoei, euskalgintzako taldeei eta Alde Zaharreko auzokideei "beste keinu bat eginez" hartu du erabakia Urtaranen gobernuak.

Hirigintza saila ideia-lehiaketaren baldintza-agiria idazten ari da, hiriko arkitektoek Gasteiz Antzokiaren eraikuntza-proiektua diseinatzeko aukera izan dezaten. Ondoren, Tokiko Gobernu Batzarrak aztertuko du baldintza-agiri hori. "Hainbat eragilek eta talde politikoek egindako eskaerak kontuan hartuz, pilotalekua eraisteko edo mantentzeko aukera emango zaie arkitektoei", azaldu du udal gobernuak. 

Santa Maria Katedrala Fundazioak joan den udan aurkeztu zuen proiektua eta  Eskoriatza-Eskibel etxadia proposatzen zuen Gasteiz Antzokia kokatzeko. Adituek lau kokapen aztertu zituzten, eta ondorioztatu zuten horixe dela egokiena, ondare eraikia berreskuratzen eta dinamizatzen lagunduko lukeelako, eta egin beharreko inbertsioaren gizarte errentagarritasunagatik.

Egitasmoaren inguruan duen informazio guztia helarazteko asmoa berretsi du udal gobernuak. “Kolektiboekin behar adina aldiz bilduko gara, proiektu hau aurrera ateratzeko”, esan du Iñaki Prusilla euskara zinegotziak.

Gasteiz Antzokia 2017ko aurrekontuan aurreikusitako ekipamendu berrietako bat da, 250.000 euroko partidarekin; 2018an 2,5 milioikoa litzateke aurrekontua.


Kanal honetatik interesatuko zaizu: Gasteiz
“Elkarrizketarako dei zintzoa” egin die Mugimendu Sozialistak Gasteizko Txosna Batzordeari eta Bilboko Konpartsei

Azken asteetan txosnen harira eztabaidaren erdian egon diren Mugimendu Sozialistako eragileek –Gasteizko GKS eta Etxebizitza Sindikatuak, eta Bilboko Luberri konpartsak– prentsaurreko bateratua eman dute ostegun goizean Gasteizen. Nahiz eta ukatu egin dituzten... [+]


Askatasunerako dantzalekua

Zaintzan oinarrituriko gau aisialdi “askeagoa” eta “seguruagoa” sortzeko asmoz sortu da Harrika kolektiboa. Bi urte daramatzate Gasteizen tekno besta kuir eta feministak egiten. Uztailaren 26tik 28ra Harrikada Festibala izanen da Izarran (Araba).


2024-06-11 | ARGIA
Gasteiz Antzokiak ateak ireki ahalko ditu azkenean, udalarekin akordioa lortuta

Gasteiz Antzokia kudeatzen duen Lazarraga kultur elkarteak eta Gasteizko Udalak hurrengo egunetan sinatuko duten hitzarmenari esker, antzokiak ateak zabaldu ahal izango ditu laster. Kultur elkarteari udalak egotzitako zor ekonomikoa bost urtetan ordaintzea adostu dute, besteak... [+]


Gasteizko auzoetako jaietako protokolo feminista martxan da

Hiru ardatz nagusi ditu protokoloak: pedagogia, prebentzioa eta erantzuna. 24 orduz aktibo egonen da erasoak salatzeko telefono zenbakia: (+34) 747 414 834.

 


Eguneraketa berriak daude