Zentsuratu ezin izan duten "Fariña" liburuaren egileari arrazoia eman dio Auzitegi Gorenak
Madrilgo Probintzia Auzitegiak, PPko alkate ohi batek narkotrafikoarekin izandako harremanaren berri emateagatik Nacho Carretero galiziarraren "Fariña" liburua bahitzeko agindua eman zuen 2018an. Hiru urte geroago, Auzitegi Gorenak liburuaren egilearen eta Libros del KO argitaletxearen aurkako salaketa atzera bota du, prozesu judiziala amaitutzat joz.
O Groveko (Galizia) alkate ohi José Alfredo Bea Gondarrek eraman zuen liburua tribunaletara, Galiziako narkotrafikoari buruzko liburu honetako lerro gutxi batzuetan berari egiten zaizkion aipamenengatik. Alkate ohiak salatu zuen Libros del KO argitaletxeak eta liburuaren autoreak bere ohorearen aurkako delitua egin zutela, eta liburuaren aurkako neurri kautelar moduan hiru hilabetez dendetatik kanpo utzi zuen Madrilgo Probintzia Auzitegiak 2018ko otsailean. Gainera, milioi erdi euroko kalte-oraina eskatu zion Bea Gondarrek Libros del KO argitaletxeari bere izena droga-trafikoarekin lotzeagatik.
Lau hilabete geroago, auzitegi berak Fariñaren aurkako neurria kendu eta liburu-dendetara itzuli zen. Alkate ohiak ordea, helegitea aurkeztu zuen erabakiaren aurka. Hiru urte behar izan dituzte prozesua amaitutzat jotzeko, Auzitegi Gorenak kasazio-errekurtsoa atzera bota baitu orain. Hala, demandatuak absolbituak izan dira eta kostuak ordaintzera zigortu du Bea Gondar.
Nacho Carreteroren ustez, liburuaren bahitzea akats judizial bat izan da eta “informazio-askatasuna” gailendu dela eta liburuan kontatzen duena “egiazkoa” dela azpimarratu du. Liburuaren debekuak interesa areagotu eta salmentak handitu ditu eta positibotzat ikusten dute hori, baina prozesu ezatsegina izan dela adierazi dute.
Libros de KO argitaletxeak garaipena adierazi du bere twitter kontuan:
Tras casi cuatro años de proceso judicial el Supremo nos ha dado la razón. O dicho en abogadés: "Desestima los recursos de casación y extraordinario por infracción procesal interpuestos por Bea Gondar". Es decir. ¡HEMOS GANADO! Enhorabuena a @NachoCarretero. Game over. pic.twitter.com/lgwNWpnHVf
— Libros del K.O. (@librosdelko) February 3, 2021
Martxoan Iruñean egin zen liburu denden kongresuan ezagutu nuen Elisabeth sortzaileen lana pasioz defendatzen Adimen Artifizial sortzailearen aurrean. Handik gutxira elkarrizketa egiteko gelditu ginen Bolognako Liburu Azokara eta Kolonbiara joan aurretik. Aitortzen dut... [+]
Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]
Irakaskuntzan "aniztasuna" aski ezaguna den kontzeptua da, eta irakasleok (ez zara harrituko Bestiak liburutegian ere irakasleak badaudela jakitean) aniztasuna bermatzeko, askotan, ikasle talde heterogeneoak egiten saiatzen gara. Baina badugu desberdinen arteko... [+]
Idazle andaluziarra (Sevilla, 1974) Gasteizko Ipuin Literarioaren Nazioarteko Jaialdira etorri da martxoan. Gasteizko tren geltokian egin dugu harekin hitzordua, bere herrira bueltatzeko ekipajea prest zeukala, eta bidaiarien, zerbitzarien eta eguneroko martxaren zaraten artean,... [+]
