Auzitegi Gorenak hartu du Juan Carlos Borboikoa ikertzeko ardura, Mekara (Saudi Arabia) doan Abiadura Handiko Trenaren eraikuntza lanetan Espainiako estatuko enpresa multzo baten aldeko bitartekari egiteagatik 2011n komisioak kobratu zituen argitzeko. Juan Ignacio Campos Campos Goreneko fiskala da ikerketa zuzenduko duena, delitu ekonomikoetan aditua.
Eldiario.es hedabideak jaso duenez, Fiskaltzak bidali dien komunikatuan dio ikerketa honek deskartatu nahi duela errege ohiak 2014an abdikatu ostean penalki salagarria den ekintzarik egin ote zuen, orduan geratu baitzen erregeak legearen aurrean dituen babes pribilegiorik gabe. Ikerketa zentratuko da "basamortuko AHT" deitu zaion eraikuntzaren bigarren fasean, Medina eta Meka hiriak batzen dituena.
Orain arte Ustelkeriaren Aurkako Fiskala aritu da ikertzen ea Borboikoak kapital zuriketak eta delitu fiskalak egin zituen. Baina Dolores Delgado Estatuaren fiskal nagusiak erabaki du ikerketa Auzitegi Gorenera pasatzea. Espainiako errege ohia Gorenean foruduna da.
Berria egunkariak ederki jaso du auzi honen orain arteko ibilbidea: "Ikerketa Auzitegi Nazionalean hasi zuten, 2018 amaieran, Jose Manuel Villarejo poliziaburu ohiak —espetxean dago egun— Borboikoaren lagun Corinna Larsenekin izandako eta grabatutako elkarrizketa bat oinarri hartuta; horren arabera, Espainiako estatuburu ohiak komisioak jaso zituen Mekarako AHTaren eraikuntza lanak Espainiako hainbat enpresak osatutako partzuergo batentzat lortzearen truke, 2011n. Larsenen esanetan, komisioak 80 milioi eurorenak izan ziren; horiek Saudi Arabiako enpresari baten emazteari ordaindu zizkioten, eta hark Espainiako enpresaburu bati eman zion diruaren erdia. Horrek, berriz, Borboikoari".
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]
Elektomaniak egin du galdeketa. Gipuzkoa da estatu guztian lehenengo postuan geratu dena, Bizkaia bigarrena eta Nafarroa eta Araba, berriz, laugarren eta bosgarren.
Espainiako monarkia iraintzeagatik se hilabete eta bi urte arteko espetxe zigorra aurreikusten du zigor kodeak. Lege hori bertan behera uzteko eskatu dute EH Bilduk eta ERCk.
Itzuli da Juan Carlos eta Galizia aukeratu behar izan du erakusteko berak jarraituko duela egiten borboiaren puntan jartzen zaiona. Diotenez, diskrezioa eskatua zion Espainiako Errege Etxeak, ez zaiolako show handirik komeni, monarkia krisi existentzial bat bizitzen ari baita... [+]
Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]