Australian Sydneyko mega-erraustegi proiektua atzera bota dute, kutsadura arriskuengatik

  • Australian Sydney hiri ondoan eraiki nahi zuten erraustegi erraldoi baten planak blokeatuta geratu dira Plangintza Batzorde Independenteak erabaki ostean 'segurtasun falta' atzeman duela haren kutsadurak gizakiengan eta ingurumenean eragingo lituzkeen kalteez.

Zero Zabor @zero_zabor
2018ko uztailaren 19a

The Guardian egunkariak zabaldu duenez, Sydney hirian Dial A Dump Industries konpainia eraikitzekotan zen errauste plantak urtean 525.000 tona hondakin nahasi kiskali behar zituen, argudiatuz horrekin 100.000 etxe hornituko zituela argindarrez. Hala ere, hasieratik agertu ziren asmoaren kontra inguruko biztanleak bezala udalak, eta baita ingurumenaren aldeko elkarteak ere.

Australiarren zorionerako, horrelako proiektuak han Plangintza Batzorde Independente batek ebaluatzen ditu. Kontrastea egiten du Euskal Autonomia Erkidegoarekin, non Eusko Jaurlaritzako Ingurumen sailak ematen baitutu baimenok, posible eginez erraustegia asmatu duen profesionala bera izatea aurretik edo ondoren horrelako baimenak kudeatzen dituena. Australiako Plangintza Batzorde Independentearen azken iritzia finkatzeko erabakiorra izan da "proiektuak eragingo lituzkeen isurketez eta proposamenean aurreikusitako modelizazioaz dauden zalantzak".

Batzordeak bere ebazpenean dio:  “Segurtasun falta hau ikusita, batzordea ohartu da ez dela gai zehazteko proiektuak bere inguruan edukiko lituzkeen eraginak eta honek eraman du batzordea prekauzio printzipioan oinarritzera proiektuak airearen kalitatean eta gizakien osasunean edukiko dituen eraginak aztertzerakoan". Euskal Herrian OEITko medikuek behin eta berriro agintariei eskatzen dieten jarrera horretatik hartu dute erabakia Australiakoek.

Batzordeak kezka berezia azaldu du konpainiak kutsaduraz eskainitako modelizazioaren datuek ez dituztelako ondo islatzen erraustegian errealitatean erreko liratekeen zabor kopuruak. Era berean, Batzordeak erabaki du ez duela aurkitu nahiko ebidentzia esateko erraustegiaren kutsaduraren kontrol teknologia gai izango litzatekeela haren isuriak egoki kudeatzeko, eta horregatik zalantza zegoela airearen eta uraren kalitatearen inguruan.

Sydneyko 7 News telebista kanalak jaso ditu albisteak herritarrengan eragin dituen erreakzioak eta baita enpresarena ere:

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Errausketa

Errausketa kanaletik interesatuko zaizu...
2018-11-12 | Zero Zabor
GuraSOSek "Babes Kutxak" atera ditu salgai Hitzartu prozesua finantzatzeko

Zubieta inguruetan bizi diren neska eta mutilek egindako marrazkiak tapakietan serigrafiatuak dituzten Babes Kutxak aurkeztu ditu GuraSOS elkarteak, horien salmentatik bildutako diruarekin Hitzartu proiektua finantzatzeko. GuraSOSek prentsa oharrean dioenez, "ekimen herritar honetan, hondakinen kudeaketaren inguruan partehartze prozesua burutzen ari da informazioa eta eztabaida soziala bermatzeko".


2018-11-09 | Zero Zabor
OEITeko medikuek Asensio diputatuaren dimisioa eskatu dute, ETBn esandako irainengatik

Osasuna eta Errausketa Ikerketa Taldeak Gipuzkoako Foru Aldundiko Ingurumen diputatu Jose Ignacio Asensioren dimisioa eskatu du publikoki: “gizartearen adimenari egindako laidoak eta GEIS/OEIT-i jaurtitako kalumniak” direla eta.


2018-11-07 | Zero Zabor
Aurrekoetxea doktorea, erraustegia justifikatu duena, Jaurlaritzako Osasun Publikoko zuzendari berri izendatu dute

Eusko Jaurlaritzak urriaren 30an Juan Jose Aurrekoetxea izendatu du Osasun Publikoaren eta Adikzioen zuzendari, kargu hori zeukan Miren Dorronsoren ordez. Aurrekoetxea doktorea Biodonostia erakundeko ikerlaria izan da eta kargu horretatik emana du lekukotasuna Gipuzkoako Batzar Nagusietan argudiatuz, Zubietako erraustegiaren eztabaidan, hondakinen errausketak osasuna kaltetzen duenik ez dagoela demostratuta.


2018-10-23 | Usurbilgo Noaua
GuraSOS: "Zubietan eraikitzen ari diren erraustegiak %110etik gorako gaindimentsioa du"

Berriki Espainiako Kontu Auzitegiak garai batean Zubietan eraiki nahi zen erraustegia gaindimentsionatua zegoela aitortu zuen. Egun eraikitzen ari direna ere hala dago. Zubietan eraikitzen ari diren erraustegiak %110etik gorako gaindimentsionamendua du. Hala adierazi du GuraSOSek astearte goiz honetan Donostian egin duen agerraldi bidez. Hitzartu prozesuaren baitan adituekin osaturiko mahai teknikoa Gipuzkoako Hiri Hondakinen Planaren erredakzio betean da.


2018-10-22 | Zero Zabor
Ikerlan berria Britainia Handian: erraustegiek isuritako karbonoak nola kaltetzen duen klima

UKWIN Britainia Handia Errausketarik Gabe koalizioak zabal du erraustegiek klimaren aldaketan daukaten eraginari buruzko ikerlan berria, zentratua –alde batera utzita ingurumenaren kutsatzea, gizakien osasun kalteak, eta beste eraginak– teknologia horrekin sortutako energiaren karbono balantzean. Emaitzek gezurtatzen dituze errausketaren propagandistek behin eta berriro plazaratzen dituzten kontuak.


2018-10-15 | Zero Zabor
Eskandalua Paris-Ivryko erraustegian: baimena eman duen ministrordea erraustegien patronalekoa da

La France Insoumise mugimendukoa Mathilde Panot diputatuak salatu du: Paris metropoliaren XIII. eremuan Ivryn dagoen erraustegia –Europako handiena– zaharberritzeko baimena eman duen ministroa Veolia errausketa eta hondakinen kudeaketako konpainia erraldoiaren zuzendaritzan egon da Emmanuel Macronek Trantsisio Ekologikoko estatu idazkari izendatu artean.


2018-10-10 | Zero Zabor
Bi istripu larri Italiako erraustegietan: hildako bat eta zauritu bat

Aste honetan, ordu gutxiren tartearekin, bi istripu larri gertatu dira Italiako bi erraustegitan, Reggio Emilia ondoko Sesson eta Comon.


2018-10-09 | Zero Zabor
Espainiako estatuko Errausketaren aurkako mugimenduek biltzarra egingo dute Ponferradan asteburuan

Datorren asteburuan, urriaren 12tik 14a artean, Bierzo Aire Limpio elkarteak antolatuta, Leongo Ponferrada hirian beren zortzigarren biltzarra burutuko dute Espainiako estatuan hondakinen errausketaren aurka borrokatzen diren elkarteek. Tartean Euskal Herriko ordezkaritza ere izanen da. Amantes de las Basuras elkarteak ere hor ospatuko du bere 24. bilera nagusia.


2018-09-20 | Zero Zabor
Erraustegien aurkako protestak Bilbon atzo, Lasarte-Orian gaur eta asteburuan Zubietan

ZZB Zero Zabor Bizkaian elkarguneak deituta, hainbat militante bildu ziren asteazkenean, 19, Bilboko Guggenheim museoaren atarian hondakinak errausten dituen industriari bere protesta azaltzeko. CEWEP Europako errauste planten patronala biltzarra egiten ari da Bilbon Zabalgarbi erraustegiak antolatuta.


Langile bat hil eta hainbat zauritu dira Belgikako erraustegi batean izandako leherketan

Pertsona bat hil eta lau zauritu dira gutxienez Indaver konpainiako erraustegi batean, Anberestik gertu dagoen Stabroek hirian joan den ostegunean leherketa izan ostean. VRT hedabidean jaso dute albistea eta diotenez, ez dago argi zerk eragin zuen leherketa. Bigarren aldia da bi urtetan istripua gertatzen dela erraustegi honetan.


Azkenak
EGILEA
Eguneraketa berriak daude