ARGIA.eus

Bultza kazetaritza independentea

Atzerriko ikastetxeetan gutxieneko euskara ordu batzuk emateko agindua baliogabetu du EAEko Auzitegi Nagusiak

  • Bilboko Eskola Amerikarraren helegitea onartu du EAEko Justizia Auzitegi Nagusiak, atzerriko ikastetxeei gutxieneko euskara ordu batzuk ematera behartzen dituen Eusko Jaurlaritzaren agindua bertan behera utziz.

ARGIA
@argia

2023ko urtarrilaren 24a - 10:13

Hezkuntza Sailaren 2021eko agindu horren arabera, atzerriko ikastetxeek Euskara eta Literatura ikasgaia gutxienez 1.050 ordutan eman behar dute, eta Gaztelania eta Literatura beste 1.050 ordutan. Agindu hori baliogabetuta, automatikoki 2012koa dago indarrean atzerriko ikastetxeentzat: DBHn, Euskara eta Literatura eta Gaztelania eta Literatura gutxienez 2.380 ordutan eman behar dute.

Auzitegi Nagusiak argudiatu du agindua aplikatu behar dutenei ez zitzaiela aurretik kontsultarik egin eta kontsultarik ez egitea ez duela justifikatu Eusko Jaurlaritzak.

Eusko Jaurlaritzak, bere aldetik, Berriari esan dio epaiak ez duela aldaketa handirik ekarriko, ebazpena forma akats batez ari delako, ez edukiaz. Gainera, beste agindu bat prestatzen ari da Hezkuntza Saila, eta agindu hori aplikatu beharko duten atzerriko ikastetxeetan egingo du kontsulta aurrez: bost ikastetxe denera, EAEn.


Hezkuntza kanaletik interesatuko zaizu...
2023-01-27 | ARGIA
Senpereko bosgarren kolegioaren obrak martxan dira, datorren ikasturtean estreinatzeko asmoz

Azaroan lortu zuen Seaskak Senpereko lakuaren ondoan bosgarren kolegioa eraikitzeko baimena, eta abenduan hasi ziren eraikuntza lanekin. Datorren ikasturtean lehenengo 80 ikasleak hartzeko xedea dute; gerora, 300 gazterentzako lekua egitea dute helburu.


2023-01-25 | ARGIA
Aldarrikapenez beteta etorriko da Herri Urrats, 40. urteurrenean

Aurten 40 urte beteko ditu Herri Urratsek eta, “sorpresaz beteta” etorriko da, antolatzaileek ARGIAri azaldu diotenez. “Urratsak zubi” lelopean, maiatzaren 14an egingo da festa Senperen eta aldarrikapenek leku inportantea izango dute, azterketak euskaraz... [+]


Etxetik erdara dakarten ikasleekin eskolan eta auzoan euskara sustatzen

Irungo Dunboa ikastetxeko haur gehienen etxeetan erdara da nagusi, eta bai eskolan bai auzoan euskara zabaltzea erronka eta aukera bezala bizi du hezkuntza komunitateak. Bide horretan martxan dituzten proiektuak aurkeztu berri dituzte, auzoko paisaia linguistikoan eragitea kasu:... [+]


Eskolan sexu identitatea eta aniztasuna lantzeko bost bideo egin ditu Naizen elkarteak

Bigarren Hezkuntzan sexu identitatea eta aniztasuna umore ukituarekin eta sakon lantzeko, bost bideo egin ditu Naizen adingabe transexualen familien elkarteak. “Ikastetxeetan baliabideak behar dituzte gai hauek lantzeko eta irakasleak ez dira jorratzeko gai sentitzen. Hau... [+]


Eguneraketa berriak daude