Haurra nintzenean, etxean ohitura zen arratsaldeko zortzietan egiten ari ginen hori albo batera utzi, telebista piztu eta ETB1eko albistegia ikustea. Hasieran sekulako amorrazioa sentitzen nuen gaueroko kate aldaketa bidegabe horien aurrean, eta gurasoei galdetzen nien ea nola zen posible Disney Channel-en Violetta eta Clan-en Winx Club egonda albisteak entzun nahi izatea, ea nola zen posible hitz konplexuak erabiltzen zituen aurkezle aspergarri baten diskurtso aspergarriarekin ez aspertzea. Ahoa itxi eta titularrak entzuten utz niezaien esaten zidaten gurasoek.
Entretenimendua eta plazera besterik ez omen da telebista, baina programa aspergarri hartan kontatzen zirenak ulertzen joan ahala, munduko gaitzen erakusleiho ere bihurtu zen niretzat. Zortzietako albistegian entzun nituen lehenengo aldiz krisi edo minbizia gisako hitzak, eta modu berean ohartu nintzen aurkezleak tonu arraroan aipatzen zituela Olentzeroren inguruko kontuak, gezurretan ariko balitz bezala. Gerra ere albistegietan ikusi nuen lehenengo aldiz: bonbak, tankeak eta pertsonak negarrez.
Gogoan dut nire orduko bizimodu itxuraz perfektuan kontraesan handia suposatu zuela gerra telebisatuak, gainontzekoen sufrimendurako behatxulo hark. Zalantzek loa lapurtzen zidaten sarri: zergatik sortzen da gerra bat? Zertarako balio du? Non egin? Noiz? Nola? Nor nork hil? Nork nori zer? Nor nori nork? Galdera gehiegi eta ezinegon sentipen arrotza gorputzean.
Dena den, munduaren funtzionamenduaren inguruan inori lezioak ematen hasi baino lehen, ezinegon sentipenean zentratu nahiko nuke, eta zehazki, horren absentzian. Azken urteotan hiriak bonbardatu dituzten zehaztasun berdinarekin bonbardatu dizkigute pantailak gerraz, miseriaz eta genozidioz. Atzean geratu dira albistegiak. “Hartu”, esan digute: “Hona hemen sarraskia minutura heltzen ez den Instagrameko reel batean”. Aquariumean arrainak ikusten diren moduan ikusi ditugu giza jokaeraren adierazpenik bortitzenak, inozo aurpegiaz, eta jada ezin jakin kristal mardularen atzekoak zer duen gizatiarretik, zer duen guretik.
Kontzientziaren higatze etengabea, haien borrokak gureak ere badirela ahaztu arte. Informazioaren aitzakiapean ezkutaturiko banalizazioa, eta ezinegon sentipen horren arrastorik ez bat-batean.
Hori da, hain zuzen ere, gehien haserrearazten nauena: arreta deitu beharko ligukeen gauza ororen normalizazioa, tragediaren ezereztea gure begien aurrean. Txikitan benetako beldurra eta kontzientzia karga sentitzen nituen albistegiei begira, baina orain badirudi geure barrenak miatzen ibili behar dugula geratzen zaigun azken enpatia zantzuaren bila. Eta adi, ez da nire edo zure arazo partikularra: oso zail jarri digute gainontzekoengatik sufritzea, eta beraz, borrokatzea.
Uste dut zutabe hau erresistentziarako dei bat baino ez dela, erregu bat geure buruei, eta neureari bereziki, ohar gaitezen iruditegi birtual horren atzean hezurra eta haragia dagoela, ez dela pelikula soil bat, eta bereziki, gauzak aldatzen saiatzeak merezi duela.
Utz diezaiegun tarteka zalantzei loa lapurtzen.
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
Nafarroako Hazialdekoren, Ipar Euskal Herriko Biharko Lurraren Elkartearen (BLE) eta Gipuzkoako Biolurren arteko elkarlanetik sortu berri da HoBBea, mugaz gaindiko proiektua. “Garien bueltan bagenuen aspalditik harremana gure artean, baina, nolabait, harreman horiek... [+]
Hitzordua Noaingo Zentzumenen Parkean izango da. Herritarrak eta ekoizleak elikagai ekologikoen inguruan biltzeko Nafarroako topagune handiena da azoka. Bederatzigarren edizioa da aurtengoa eta laugarren urtez jarraian Noaingo Zentzumenen Parkean egingo da.
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Munduko Medikuak PiztuPower proiektu "eraldatzailea" abiarazi du, Nafarroako emakume afro-ondorengo gazteei laguntzeko eta aktibismoan trebatzeko etengabeko formakuntzaren bitartez.
Imanol Pradales lehendakariak eta Alberto Martínez sailburuak gidatuta ostegun honetan bildu zen Bilbon osasun publikoari buruzko mahaia. Bertan izan ziren, halaber, osasunaren sektoreko eta euskal gizarteko eragile ugari.
Astelehen arratsalde eta gauean ez zen medikurik egon Laudioko Etengabeko Arreta Gunean. Irailean ere ez da bermatuta egongo mediku baten presentzia egunero Laudio eta Amurrioko Etengabeko Arreta Guneetan, gabezia aurreko hilabeteetan bezain nabarmena izango ez den arren.
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
Mugitzeko eta ibiltzeko zailtasunak dituzten 5 urteko bi ikasleri asteroko baso-eskola saioa egokitu zaie Irungo ikastetxean: muga eta beldur artean hasitako erronkak onura, garapen eta ikasketa handiak izan ditu. "Oso babestuta dauden ikasleak dira eta basoan aske uzteak... [+]
Mugak Zabalduz karabanarekin, Bosnia Herzegovinako Bihac hirian, Nihad Suljic aktibistak Drina ibaia Balkanetako hilobi handiena dela azaldu zigun. Ahantzi ez daitezen, topatzen diren hilotzak identifikatzeaz eta ehorzketa emateaz arduratzen da, merezi duten duintasuna aitortu... [+]
Udaldian, erretiratuok ez ohi dugu opor goserik, eta patxadaz aztertu ahal ditugu gure inguruko gorabeherak. Hori dela-eta, gai batzuek harriduraz harrapatu naute, eta honako hauek dira.
Espainia. Eurokopak eta Olinpiar Jokoek uda osoa bete dute. Aldez aurretik, esan behar... [+]
Eroriko askoren artean badira lorpenak ere. 35 urte inguruko ama gazte batek galdetzen zidan aurreko batean nola arraio lortzen zuten beraien eskolan etxean euskara jaso ez zuten ikaskideek etxetik euskaldunak ziren neska-mutikoek bezain ongi ikastea eta hitz egitea euskaraz... [+]