Atarrabiako paper fabrikan larri zauritu da langile bat
Atarrabiako Solidus San Andres paper fabrikan istripu larria izan da apirilaren 13 gauean, LAB sindikatuak jakitera eman duenez.
Antza denez, gordeta zeuden paper fardoak erori dira eta azpian harrapatu dute langilea.
LAB sindikatuak babesa eta elkartasuna adierazi dizkie zaurituaren senideei, gertukoei eta "langile klaseari": "Gure prestasuna adierazi diegu behar duten edozertarako". Aldi berean, istripua gaitzetsi du eta zera iragarri du: "Gure indar eta ahalegin guztiak jarriko ditugu istripu honen ikerketaren jarraipena egiteko, berau sortu duten arrazoi eta baldintzak argitzeko berriro gerta ez dadin. Gainera, egon litezkeen erantzukizun guztiak garbitzea exijitzen dugu".
Naiz hedabideak jaso du ELA sindikatuak istripu honen aurrean adierazi duen gaitzespena, eta sindikatuak eman duen datu hau du: Nafarroan lan istripuen datuak azken urteetako txarrenak direla, eta 2012tik gora egin dutela etengabe.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Astelehen arratsean gertatu da ezbeharra, Arrasaten, hiru metroko sakonerara erorita.
Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.
Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]
Urizaharreko harrobian lanean ari zela hil zen behargin bat joan den ostiralean, makina batek harrapatuta. Urtea hasi denetik, zortzi langile hil dira.