Asteburu honetan hasiko da Bertsolari Txapelketa Nagusia

  • Larunbatean Getxon izango da lehen saioa eta igandean Arrasaten, biak 17:00etan. Lehen fase honetan 36 bertsolarik kantatuko dute eta horietatik 19 sailkatuko dira finalaurrekoetara.


2022ko irailaren 23an - 11:16

Hastear da Bertsolari Txapelketa nagusia. Irailaren 24an, Getxoko Muxikebarri Zentroan kantatuko dute honako sei bertsolariek: Agin Laburu Rezola, Alaia Martin Etxebeste, Nerea Elustondo Plazaola, Oihana Bartra Arenas, Peru Abarrategi Sarrionandia eta Unai Mendizabal Jauregi.

Irailaren 25ean, Arrasateko Amaia Antzokian arituko dira beste sei bertsolari hauek: Gorka Pagonabarraga Agorria, Iñaki Apalategi Astigarraga, Joanes Illarregi Marzol, Miren Amuriza Plaza, Saioa Alkaiza Guallar eta Xabier Silveira Etxeberria.

Lehen fase honetan, 36 bertsolaritik 19 pasatuko dira finalaurrekoetara

Txapelketa honetan 42 bertsolarik hartuko dute parte, baina denek ez dute fase berean hasiko txapelketa. Aurreko txapeldun Maialen Lujanbio finalean da jada, beste zazpiren zain. Eta aurreko txapelketan finalista izan ziren Aitor Mendiluze, Amets Arzallus, Sustrai Colina, Beñat Gaztelumendi eta Unai Agirre finalaurrekoetan sartuko dira lehiara.

Beraz, lehen fase honetan 36 bertsolari arituko dira kantuan, bakoitzak bere herrialdeko txapelketan lortu zuen sailkapenari esker. Lehen fase honetan sei bertsolariko sei saio egingo dira, eta hauetatik 19 pasatuko dira finalaurrekoetara: saio bakoitzean nagusitu diren sei bertsolariak zuzenean, eta beraien saioan lehenak izan ez arren puntu gehien lortu dituzten 13ak.

Sarrerak salgai

Saio hauetara joateko asmoa duen bertsozaleak, baditu bi modu: Internet bidez sarrerak eskuratuta, webgune honetan. Edo saioko leihatilan erosita (15:00etan zabalduko da leihatila, egunean bertan).


Kanal honetatik interesatuko zaizu: Bertsolari Txapelketa Nagusia 2022
2023-01-10 | Imanol Lazkano
Bertso berriak, txapelketako finalari jarriak

Abenduaren 18an, Euskal Herriko Bertsolari Txapelketako finaletik bueltan jarritako bertsoak.


2022-12-25 | Estitxu Eizagirre
Maialen Lujanbio txapeldun hirugarrenez
Biribil bezain zorrotz

Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]


Iruñeko finala eta borroka ederren ordua

Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.


Maialen Lujanbio Zugasti
"Aurten ez nuen baitezpada txapela irabazteko derrigortasun edo anbizioa sentitzen"

Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]


Eguneraketa berriak daude