Astebeteko grebari ekin diote Araba, Bizkaia eta Gipuzkoako eskola erlijiosoetan
Bost egunetik hirutan manifestazioak egingo dituzte hiru hiriburuetan. ELAren arabera, jarraipena %70ekoa izan da lehen egunean.
Hitzarmen berria exijitzeko, astelehenetik ostiralera greba egingo dute Araba, Bizkaia eta Gipuzkoako eskola erlijiosoetako langileek. ELA, Steilas, CCOO, LAB eta UGT sindikatuek egin dute deialdia. Duela urte eta erdi abiatu zituzten negoziazioak Kristau Eskola eta IZEA patronalarekin, baina "borondate falta" salatzen dute. Horregatik, Eusko Jaurlaritzako Hezkuntza Sailarekin ere bildu ziren, baina bilkura horiek ere ez ziren aski izan.
Astelehen honetan piketeak egin dituzte goizean, eta eguerdi partean martxak abiatu dituzte hiru hiriburuetan. Manifestazio bateratu izaera hartuko duten hurrengo bi hitzorduak asteazkenean eta ostiralean izango dira, Bilbon.
Hezkuntza Saila: "Negoziazioa da bidea, ez greba"
Itunpeko ikastetxe erlijiosoetan "lehenbailehen" adostasuna lortzeko eskatu die sailburu Jokin Bildarratzek Euskadi Irratian eginiko elkarrizketan. Grebak ikasleengan ondorio "oso kaltegarriak" izan ditzakeela adierazi eta iradoki du patronalen eta sindikatuen artean konpondu beharreko auzia dela, eta Jaurlaritzak parte hartzeko esparru "txikia" duela hor. Negoziazio "leial" eta "diskretua" eskatuta, grebaren aukera baztertzeko esan du.
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Lehen bi egunetan %100eko jarraipena izan du grebak TUVISAn, enpresa batzordearen arabera. Jaurlaritzak %30eko gutxieneko zerbitzuak ezarri ditu. Lan baldintzak eta zerbitzu publiko osoa hobetzea eskatzen dute langileek.
Enpresak komunikabideei filtratu die berria langileei eta batzordeari jakinarazi aurretik. Kaleratzeen iragarpena langileek eta LAB sindikatuak Michelineko zuzendaritzaren "deriba autoritarioa" salatu ostean etorri da.
Correos posta-zerbitzuak garbiketarako azpikontratatutako Limpiezas J. Cordoba enpresako langileek salatu dute bost hilabete daroatzatela soldata kobratu barik eta, egoera konpontzeko neurririk hartu ez delakoan, greba mugagabera joatea erabaki dutela jakinarazi du ESK... [+]
Iparvending enpresak langile bat kaleratu zuela salatu zuen iraila amaieran ESK sindikatuak, eta kaleratzearen oinarrian enpresaren zein Ertzaintzaren “tratu iraingarria eta arrazista” zegoela. Kaleratutako langile Hamza Benzrira Gasteiztarrarekin hitz egin du... [+]