Asteazkenean abiatuko da Gazte Topagune Sozialista Durangon, "komunitate politikoa sendotzeko" asmoz
Bost eguneko egitarauan “lanketa politikorako eta aisialdirako aukera zabala” eskaini dute. Durangon egingo da aurtengo edizioa uztailaren 20tik 24ra artean.
Ikuskizunak, kirol jarduerak, tailerrak, kontzertuak, solasaldiak eta abar aurkeztu dituzte 2022ko Gazte Topagune Sozialistaren egitarauan. Durangon antolatu dute aurten bost eguneko Topagunea. Topagunearen III. edizioa formakuntza politikorako eta aisialdirako espazioa izango dela adierazi dute, komunitate politikoa sendotzeko helburua ere baduena.
Ekainaren 22an, ostiralean, borroka ideologikoaz eta kulturalaz arituko dira, “gizarteko esparru ezberdinetan komunismoa hegemoniko bihurtzeko bide posibleez, eta horretarako izan beharreko estrategia politikoaz”. Ekainaren 23an, larunbatean, 18:00etan Landako Gunean egingo duten ekitaldi politikoan, mugimendu sozialistak egungo koiuntura ekonomiko eta politikoaz egiten duen irakurketari buruzko hainbat tesi plazaratuko dute.
Topagunea iragarri eta girotzeko J Martina taldeak prestatu duen Mailu honen zarata abestia kaleratu dute. Bost egunetako egitarau osoa ikusteko eta sarrerak erosteko aukera GKSren webgunean dago.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Uztailaren 20tik 24ra arte gazte sozialisten elkargune bilakatuko dute Durango GKS Gazte Koordinadora Sozialistak eta IA Ikasle Abertzaleakek. "Antolakuntzarako deia zabaltzeko elkargune bat" izan nahi du topaguneak, eta eztabaida eta formakuntza uztartuko dituzte... [+]
Gazte Koordinadora Sozialistako eta Ikasle Abertzaleakeko kideek antolatu dute Gazte Topagune Sozialista. Adierazi dutenez, "aisirako, sozializaziorako eta ospakizunerako tartea eskaintzeaz gain, antolakuntzarako deia zabaltzeko elkargune bat izan nahi du Topaguneak".
Urriaren 8a eta 12a bitarte gauzatu den Gazte Topagune Sozialistak parte hartzea altua izan du. Orain arte egindako ibilbidea ospatu eta aurrera begirakoan lanean jarraitzeko motibazioa agertu dute. Zentzu horretan, hainbat auziri buruz jarduteko baliatu dute topaketa.
Urriaren 8tik 12ra Altsasuk Euskal Herriko Gazte Topagune Sozialista hartuko du. Kanpalekua eta hainbat gune izanen dira. Bertan hitzaldiek eta aisialdiak osatzen dute egitaraua. Sarrerak bono moduan www.gks.eus webgunean salgai daude, igandera arte.