Argitaratu dute aurtengo Gazte Sozialisten Topagunearen egitaraua
Bost eguneko ekimena izango da aurten ere. Aurreneko bi egunetan "lan planifikatuak izango du zentralitatea"; hala, obretan, tailerretan, txandetan eta aisian arituko dira gazteak, aldizkatuta. Larunbaterako "eduki politikoan sakontzeko" saioak prestatu dituzte antolatzaileek, eta besteak beste, "politika sozialistaren hainbat esparru" eta "gaur egungo erronka politikoak" izango dituzte hizpide. Igandean, aldiz, mendi martxak eta ospakizunek hartuko dute tokia.
aurre egingo dieten hedabide independenteak
Aurkezpen nazionalean ehunka pertsona bildu ondoren, Gazte Koordinadora Sozialistak eta Ikasle Abertzaleakek argitara atera dute aurtengo Gazte Sozialisten Topagunearen egitaraua. Bost eguneko ekimena izango da oraingoan, apirilaren 9tik 13ra bitartean, Legution (Araba).
Antolatzaileek aurretik iragarri zuten modura, "lan planifikatuak izango du zentralitatea" aurtengo Topagunean ere. Hala, lan egunak izango dira aurreneko bi egunak, osteguna eta ostirala. Goizetik hasita, hainbat bloketan banatuko dira gazteak, obretan, tailerretan, txandetan eta aisian aritzeko, aldizkatuta.
Aurten ere "ildo sozialistaren baitan antolatutako espazioak egokitzen" jardungo dute bertaratzen diren gazteek, "indarrak biderkatzeko, antolakuntza gaitasunetan sakontzeko, eta proiektu lokalei zein maila nazionalean antolatutako espazioei ekarpen zuzena egiteko tresna" baita Topagunea, aurkezpenean adierazi zutenez. Aurten garrantzia berezia izango du hustutze arriskuan dagoen Desjabetuon Hotelak.
Dena den, lan egunen bukaerarako, aisialdirako eskaintza ere prestatu dute antolatzaileek: ostegunean zirkua izango da afalostean, eta ostiralean, Abagunea izeneko ikuskizuna.
Larunbatean, hitzez hitz
Behin lan egunak amaituta, "eduki politikoan sakontzeko" unea izango da larunbata. 10:00etan hasiko dira hitzaldiak, "politika sozialistaren hainbat esparru" oinarri hartuta; hain zuzen, generoa, soldatapeko lana, gazteria, ikasleria, espazioen kontrola eta kultura. Bazkaria egingo dute gero, eta arratsaldean, 16:30ean hasita, Gaur egungo erronka politikoak izango dituzte hizpide.
Afaldu ondoren, kontzertua eskainiko du Legution Petti egile abeslariak.
Igandean, martxa eta kontzertuak
Igande goizean, aldiz, Albertiako zelaietara martxa egingo dute gazteek. Horren ostean, 14:30ean izango da bazkaria, eta 19:00etan, ekitaldi nagusiari emango diote hasiera GKSko eta IAko kideek. Gauean ospakizunek hartuko dute tokia, hainbat kontzertu medio; Dead Bronco, Boot Boys eta Rude Pride taldeak arituko dira lehenengo, eta gero, Bassagain Hip Hop Reggae Connection, MC eta hainbat DJ gonbidatu igoko dira oholtza gainera.
Astelehenean, jasotze lanekin amaituko da aurtego Topagunea.
Bonoak salgai
Antolatzaileek gogorarazi dutenez, Topagunerako bonoak eskuragarri daude oraindik, Euskal Herri osoan martxan jarritako salmenta puntuetan. 35 euroan erosi daitezke bost egunetarako txartelak.
Ernaik manifestazio jendetsua egin du igandean Donostian, estropaden ostean, "Ekin eta bultza askatasunera" lelopean. Milaka gazte elkartu dira independentziaren alde eta faxismoaren aurka. Txiki eta Otaegi omendu dituzte, beren borrokarekin jarraitzeko konpromisoa... [+]
09:00etan Durangoko epaitegi aurrean biltzera deitu dute Kiñuko kideek. Duela bost urte hasi zen Gaztetxearen aurkako prozesua.
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Gazteak dira, jaiotzetik aro digitala baino ez dute ezagutu, eta hiperkonexioaz eta estimulu jarioaz nekatuta/nazkatuta amaitu dute. Gutxiengoa dira, baina garbi dute sare sozialen zurrunbilotik ihes egitea hoberako izan dela: "Ez da alarmismo kontua, baina jakin behar dugu... [+]
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Grabagailuari stop eman eta segituan galdetu dit Oiherrek: “Transkribatzean mantenduko duzu euskalkia?”. Baietz nik, batuaren mugek uzten didatenaren barruan baietz. “Arras inportantea da niretako”. Dutxa hartu eta Elizondora eginen du berriz, Aroztegiko... [+]
Unibertsitateko ikasleak azterketa garaian dauden bitartean, irakasleoi ikasturtea ixtea dagokigu. Irakasleak talde txikitan biltzean oso ohikoa da urte batetik besterako aldaketen gainekoak konpartitzea eta hausnarketaren brindis gisara ikasle belaunaldiaren
ezaugarritzea... [+]
Aste Santuan Berriozarren egindako topaketetatik egun gutxira bildu gara Gasteizko Sorturen bulegoan. Hango kontuez jardun dugu apur bat, baina batez ere gaur egun euskal gizartean dantzan diren gaiez aritu gara, Ernaik horien gainean duen iritzian sakontzeko asmotan. Amaiur... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Maiatzaren 22tik 23ra bitartean deklaratu beharko dute auzipetuek. Gazteek salatu dute instituzioak "geroz eta gehiago" ari direla mugatzen protestarako eta mobilizaziorako eskubide politikoa, eta 'Bajadikako 27ak' izenarekin sortu dute plataforma bat. Maiatzaren... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]
