ARGIA.eus

2022ko abuztuaren 17a

Abiatu da Gazte Topagune Sozialista Durangon

  • Uztailaren 20tik 24ra arte gazte sozialisten elkargune bilakatuko dute Durango GKS Gazte Koordinadora Sozialistak eta IA Ikasle Abertzaleakek. "Antolakuntzarako deia zabaltzeko elkargune bat" izan nahi du topaguneak, eta eztabaida eta formakuntza uztartuko dituzte aisialdiarekin eta ospakizunarekin.

Gazte talde bat topaguneko kanpalekura heltzen (Argazkia: @GedarLangileKZ)
ARGIA @argia
2022ko uztailaren 20a

Asteazken arratsaldeko 17:00etan, harrera nagusiarekin, 2022ko Gazte Topagune Sozialista abiatu dute Durangon. Igandera bitarte, hainbat ekimen gauzatuko dituzte Durango eta Iurretako toki ezberdinetan: hitzaldiak, mahai inguruak, kultur ekimenak, kirol jarduera eta ikuskizunak, tailerrak...

Gazte Topagune Sozialistaren bigarren edizioa da honakoa, iazko urrian milatik gora gazte bildu baitziren Altsasun (Nafarroa) egindakoan. Aurtengo topagunea maiatzean iragarri zuten Gazte Koordinadora Sozialistak eta Ikasle Abertzaleakek, eta adierazi zutenez, "antolakuntzarako deia zabaltzeko elkargune bat" izango da Durangokoa ere. "Oinarrizko eskubideen ezabapenaren, bizitzaren garestitzearen, eta oro har, bizi-kalitatearen okertzearen aurrean, komunismoaren beharra mahai gaineratu nahi dugu. Horixe da, beraz, Topagunearen helburu zentrala: komunismoaren gaurkotasunaz nahiz gazteok modu independentean antolatzeak duen garrantziaz eztabaidatzeko eta solas egiteko espazio bat izatea", azaldu zuten.

Hitzaldi eta mahai inguruen izenburuek ematen dute aditzera zein izango diren hizketagaiak: Borroka ideologikoa eta kulturala. Komunismoa hegemoniko bilakatzeko bideak, Espazio sare sozialista. Teorian eta praktikan, Koiuntura ekonomiko-politikoa eta estrategia komunista. Hainbat tesi politiko eta Mugimendu Sozialista nazioartean. Internazionalismoaren tesiak eta haustura prozesuak.

Egitaraua osorik:

 


EHko Gazte Sozialisten Topagunea kanaletik interesatuko zaizu...
2022-07-14 | ARGIA
Asteazkenean abiatuko da Gazte Topagune Sozialista Durangon, "komunitate politikoa sendotzeko" asmoz

Bost eguneko egitarauan “lanketa politikorako eta aisialdirako aukera zabala” eskaini dute. Durangon egingo da aurtengo edizioa uztailaren 20tik 24ra artean.


2022-05-27 | ARGIA
Gazte Topagune Sozialista izango da uztailaren 20tik 24ra Durangon

Gazte Koordinadora Sozialistako eta Ikasle Abertzaleakeko kideek antolatu dute Gazte Topagune Sozialista. Adierazi dutenez, "aisirako, sozializaziorako eta ospakizunerako tartea eskaintzeaz gain, antolakuntzarako deia zabaltzeko elkargune bat izan nahi du Topaguneak".


2021-10-13 | ARGIA
1.500 parte hartzailetik gora bildu ditu Gazte Topagune Sozialistak

Urriaren 8a eta 12a bitarte gauzatu den Gazte Topagune Sozialistak parte hartzea altua izan du. Orain arte egindako ibilbidea ospatu eta aurrera begirakoan lanean jarraitzeko motibazioa agertu dute. Zentzu horretan, hainbat auziri buruz jarduteko baliatu dute topaketa.


2021-10-01 | Guaixe .eus
Gazte Topagune Sozialistarako bonoak eskuratzeko azken egunak

Urriaren 8tik 12ra Altsasuk Euskal Herriko Gazte Topagune Sozialista hartuko du. Kanpalekua eta hainbat gune izanen dira. Bertan hitzaldiek eta aisialdiak osatzen dute egitaraua. Sarrerak bono moduan www.gks.eus webgunean salgai daude, igandera arte.


Argitaratu dute aurtengo Gazte Sozialisten Topagunearen egitaraua

Bost eguneko ekimena izango da aurten ere. Aurreneko bi egunetan "lan planifikatuak izango du zentralitatea"; hala, obretan, tailerretan, txandetan eta aisian arituko dira gazteak, aldizkatuta. Larunbaterako "eduki politikoan sakontzeko" saioak prestatu... [+]


Irakurrienak
Argia buletina
Egunaren laburpena
zure e-postan
Eguneraketa berriak daude