Askapenaren Saharako bigarren brigada ere kanporatu du Marokoko Gobernuak
Udako lehen brigadista taldearekin egin bezala, Marokoko poliziak Askapenaren Saharako bigarren brigada kanporatu du. Beste behin, Aaiun hirian sartzeko kontrol batean atxiki eta taxi batean Marokoko lurretara bidali dituzte. Gertatutakoaren kronika bidali dute euskal brigadistek.
Mendebaldeko Saharako bigarren brigadarekin aurrera egitea erabaki zuen Askapenak, udako lehen brigadak izandako oztopoen gainetik “Marokoko Gobernuak Saharar lurretan ezarritako blokeoa gainditzeko borondatea” jarriz. Abuztuaren 15ean abiatu ziren, eragile sahararrekin plangintza moldatu ostean.
Egun batzuk “diskrezio osoz” turismoa egiten aritu ostean, astelehenean abiatu zen brigada Aaiunera. Bidean zazpi kontrol polizial igaro zituzten arazorik gabe, baina azkenengoan euren zain zeuden kalez jantzitako 40 poliziarekin egin zuten topo. Oso aztoratuta zeudela azaldu dute brigadistek, leku batetik bestera korrika eta brigadako kideen irudiak hartzen.
Aaiunera sartzerik ez zutela jakinarazi zieten,”inolako argudiorik gabe”. Euskal herritarrek dispositiboaz eta debekuaz galdegin zieten, baina poliziaren aztoramena areagotzen zihoala ikusirik, taxian sartzea onartu zuten.
700 kilometro inguru egin zituzten sei lagunek taxi bakarrean Marokoko Agadir hirira iritsi arte. Hala ere, euren eginbeharrekoa ez dela amaitu eta Marokoko zenbait eragilerekin elkartzeko asmoa dutela adierazi dute brigadistek.
Poliziaren kontrola
Mendebaldeko Saharara sartzeaz bat, poliziaren presentziaren ugaritzea begi-bistakoa dela diote brigadistek eta lehen egunetan bisitatutako herrietan poliziaren jarraipenak izan dituztela. “Kontrolak, kalean militarrak, armadaren eraikinak, harresiak... non nahi daude”, diote.
Brigadistek bidalitako gutunean, Euskal Herriko kaleak Saharar herriaren aldeko aldarrikapenez betetzeko deia luzatu dute.
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.