Arartekoak euskara berma dezala eskatu dio Nafarroako Erdialdea Garatzeko Partzuergoari
2023ko urtarrilaren 3an eman zion gomendioa Nafarroako Arartekoak Partzuergoari, Administrazioan Euskaraz elkarteak (AET) jakinarazi duenez: beharrezko neurriak har ditzala, berma dadin herritarrek administrazioari euskaraz zuzentzeko duten eskubidea.
Partzuergoak hamabi lanpostu ditu, eta ez zen lanpostu elebidunik aurreikusi 2022ko Plantilla Organikoan. 2017tik, partzuergoko kide diren Adios eta Tirapu eremu mistoan daude eta, beraz, bertako herritarrek legez eskubidea dute Administrazioari euskaraz zuzentzeko.
“Kexa jarri genuen", zehaztu du AETk, "eta Partzuergoa saiatu zen argudiatzen, batetik, Administrazioan Euskaraz Taldea ez zegoela legitimatuta kexa aurkezteko, eta, bestetik, partzuergoko langile batzuek badakitela euskaraz”. Arartekoak ez zituen argudio horiek onartu eta AETren kexa onartu zuen.
Langile batzuek euskaraz jakiteari dagokionez, baldin Plantilla Organikoan profil elebiduna jasotzen ez bada, langile horiek alde egin dezaketela azpimarratu zuen Arartekoak, eta horien ordezkoek beharbada ez dutela jakinen euskaraz. AETk argi du: “Plantilla Organikoa da profil elebiduna bermatzeko tresna eta hala ulertu zuen Arartekoak ere”.
Bi hilabete ditu Nafarroako Erdialdea Garatzeko Partzuergoak gomendioa onartzen duen erantzuteko: “Espero dezagun onartzea”, zehaztu dute AET-tik.
Isuna Iruñean AEK-ko kartelak jartzeagatik
150 euroko isuna jarri diote Idoia Saez AEK-ko irakasleari joan den irailean hiri buruzagiko Kale Berrian matrikulazio kanpainako kartelak jartzeagatik. Euskalerria Irratian egindako elkarrizketan, Saezek jakinarazi du ikasturte hasieran urtero jartzen dituztela kartelak Iruñerrian zehar eta aurten ere horretan ari zirela.
Afixak jartzen ari zirela bi udaltzain hurbildu zitzaizkien identifikazio eske, haien esanetan norbaitek dei egin zielako zertan ari ziren esanez, eta kasu horretan identifikazioa eskatu eta partea osatu behar zutela. Isuna iristean, ordea, han zehazten zen kalez jantzitako udaltzainena izan zela dei hori eta, gainera, kameraz grabatu ere egin zituztela. “Esan genien Iruñeko Udalaren diru laguntza jasotzen dugunez, kartelean udalaren logoa ageri zela eta identifikazioak ez zuela zentzurik”.
Isuna abenduaren 21eko datarekin jaso dute eta jokabide publikoak sustatzeari eta espazio publikoak babesteari buruzko Iruñeko Udal Ordenantzaren 36. artikulua urratzean oinarritzen da. Isuna gaztelania hutsez jaso duela salatu du Saezek eta horrek Udalaren Euskararen Ordenantza urratzen duela.
Balizko helegiteaz galdetuta, Saezek zehaztu du matrikulazio kanpaina urtarrilaren 31n bukatzen dela eta Iruñeko Euskalgintzak orduan erabakiko duela zer egin, “nik haien esku utzi dut”.
Nafarroako Gobernuak eskaera egin duten familiei iradoki die "datorren ikasturteari begira" abiatu dezaketela tramitazioa.
Eraberrituta dator Laba. Egoitza handiagoak ostalaritza eskaintza zein kultur ekitaldiak baldintza hobeagoetan ematea ahalbidetuko du.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Sarean jarri dute "Belarribizi eta Ahoprest" laburmetraia, joan den igandean itxi zen 2025eko Euskaraldiaren aitzakiarekin Oskar Alegria zinegileak Artazu herrian udaberri honetan filmatu duen lana. Belarriprest eta ahobizi kontzeptuen gaineko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Larunbatean Arguedasen ospatu zen Erriberako Euskararen Egunaren lehen edizioa. Kultura, auzolana eta festa uztartu ziren euskararen inguruan eskualdeko herriak batu zituen jardunaldi honetan.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]
Prentsaurrekoan, maiatzaren 17an ospatuko duten Erriberako Euskararen Egunaren inguruko argibideak eman dituzte. Ume, gazte zein helduentzat zuzendua izango da. Ekimena, Erriberan egiten diren ekimenetan indarrak biltzeko eta euskararen normalizazioaren alde saretzeko... [+]
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.