Arantxa Urretabizkaiak 111 Akademiaren Saria jasoko du ekainaren 8an

  • Amasako Hika txakolindegian ospatuko dute 111 Akademiako sari-emate ekitaldia, azken urteetako ohitura mantenduz.


2023ko ekainaren 08an - 13:18
Azken eguneraketa: 15:50
Arantxa Urretabizkaia (111 Akademia)

Arantxa Urretabizkaiak apirilaren bukaeran jakin zuen 2022ko 111 Akademiaren Saria jaso zuela bere Azken Etxea eleberriak. Saria emateko ekitaldia ekainak 8an izango da, Amasako Hika txakolindegian 19:00etan. Sariak banatzeaz gain, saritutako liburuen pasarteak irakurriko dira.

Anjel Lertxundiren Desertuan behatxuloa saiakera zuen lehiakide Urretabizkaiak. 111 Akademiak 212 akademiakide ditu, eta 124k parte hartu dute sariduna aukeratzeko hiru bozketa txandetan, urtarrila eta apirila bitartean gauzatu direnak.

Ekitaldi ireki bat izango da Amasakoa, herritar guztiei zabalduta. Parte hartzeko, akademia@111akademia.eus helbidera idatziz izena eman daiteke.


Kanal honetatik interesatuko zaizu: 111 Akademiaren Saria
2024-04-30 | ARGIA
Eneko Bidegainen ‘Bichta éder’ eleberriak jaso du 111 Akademiaren Saria

Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.


2022-04-26 | Peru Iparragirre
Eider Rodriguezen ‘Eraikuntzarako materiala’ saritu dute 111 Akademiako irakurleek

212 irakurle batzen dituen 111 Akademiak joan den urteko liburu gogokoenaren saria eman dio Eider Rodriguezen Eraikuntzarako materiala (Susa, 2021) lanari. Ekainean egingo dute jendaurreko sari-emate ekitaldia.


2021-03-17 | Ixone Arana
2020ko 111 Akademiaren Sariak baditu bost hautagaiak

Luis Garde, Pello Lizarralde, Uxue Alberdi, Idoia Garzes eta Joxean Agirre daude azken 111 Akademiaren Saria jasotzeko bidean.


Uxue Alberdiren ‘Jenisjoplin’ nobelak irabazi du 111 Akademiaren saria

Uxue Alberdiren Jenisjoplin nobelak irabazi du 2017ko 111 Akademiaren saria. Irakurleek ematen dute sari hau eta aurten hirugarren bozketa txandan gailendu zaio beste hautagaiari, Maddi Zubeldiaren Deserria haurtzaro liburuari.


2017-04-21 | ARGIA
Kirmen Uriberen ‘Elkarrekin esnatzeko ordua’-k irabazi du 111 Akademiaren saria

Kirmen Uriberen Elkarrekin esnatzeko ordua nobela saritu dute 111 Akademiako kideek. Ostiral honetan jakinarazi dutenez, maiatzaren 11n jasoko du saria Ondarroako idazleak.


Eguneraketa berriak daude