Literaturaren etorkizunari buruzko jardunaldiak, 111 Akademiaren eskutik
Ostegun honetan egingo da Donostian 111 Akademiak antolatutako Literaturaren bideak etorkizunean jardunaldietako lehen solasaldia, zenbait euskal editoreen parte-hartzearekin. Literaturaren gaur egungo egoeratik abiatuz, analisi orokor bat egin eta etorkizunean aurki daitekeenaren inguruko hausnarketa bat egitea da helburua. Hurrengo hitzorduetan (Bilbo, Gasteiz, Iruñea eta Baiona), idazleak izango dira protagonista. Besteak beste, Gotzon Barandiaran, Irati Jimenez, Aingeru Epaltza, Itxaro Borda eta Iban Zaldua izango dira hizlari. Mahai-inguru guztiak hiriburu hauetako Elkar aretoetan izango dira, arratsaldeko 19:00etan.
Amasako Hika txakolindegian ospatuko dute 111 Akademiako sari-emate ekitaldia, azken urteetako ohitura mantenduz.
212 irakurle batzen dituen 111 Akademiak joan den urteko liburu gogokoenaren saria eman dio Eider Rodriguezen Eraikuntzarako materiala (Susa, 2021) lanari. Ekainean egingo dute jendaurreko sari-emate ekitaldia.
Luis Garde, Pello Lizarralde, Uxue Alberdi, Idoia Garzes eta Joxean Agirre daude azken 111 Akademiaren Saria jasotzeko bidean.
Uxue Alberdiren Jenisjoplin nobelak irabazi du 2017ko 111 Akademiaren saria. Irakurleek ematen dute sari hau eta aurten hirugarren bozketa txandan gailendu zaio beste hautagaiari, Maddi Zubeldiaren Deserria haurtzaro liburuari.
Kirmen Uriberen Elkarrekin esnatzeko ordua nobela saritu dute 111 Akademiako kideek. Ostiral honetan jakinarazi dutenez, maiatzaren 11n jasoko du saria Ondarroako idazleak.