Arabako zentral eolikoen proiektuak gelditzeko eskatu dute Maeztun
Ehunka lagun bildu ziren Arabako Mendialdeko herrian, Arabako Mendiak Aske plataformak deituta. Energia trantsisioa eta biodibertsitatea babestea batera joan behar dutela aldarrikatu dute.
“Maeztuko herriarentzat egun historiko batean, energia ekoizteko zentral eolikoen kokalekuak geldiarazteko aldarrikapenak entzun ziren ibilbide osoan zehar” adierazi dute mobilizazioaren antolatzaileek. Arraia-Maeztuko alkateari eskatu diote Iturrieta mendietan eta Azazetan aurreikusita dauden bi zentral eolikoen aurka egiteko eta “ingurumenaren aldetik babestutako lurralde naturala defendatu dezala”.
Eusko Jaurlaritzako eta Arabako Aldundiko arduradun politikoei erantzukizunak dituztela gogorarazi diete, eta zentral eolikoak Arabako mendietan eraikitzeko asmoak baztertzea eskatu. Erakundeek aurrera egiteko irregulartasun administratiboak burutzen ari direla ere salatu dute.
Berriztagarriak bai, baina ez horrela
“Energia berriztagarria bai, baina horrela ez. Berriztagarriak biodibertsitatea babestearen aliatuak izan behar dira. Energia-trantsizioa eta biodibertsitatea binomio banaezina dira, eta, beraz, lehena lortzeko helburuarekin bigarrena sakrifikatzea arriskutsua eta guztiz arduragabea da”, laburbildu du bere ikuspuntua Arabako Mendiak Aske elkarteak.
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]
"Hamaika arrazoi lurraldea defendatzeko" izeneko erakusketa artistiko honetan, Euskal Herriko hamaika ilustratzailek parte hartu dute eta makroproiektu eolikoek kaltetutako Euskal Herriko zenbait familia eta bizilagunen hamaika testigantza ere jasotzen dira. Etxalarko... [+]
Irimo mendian Cilda Energy SLU enpresak 200 metroko bi haize errota ezarri nahi ditu, Trekutz izeneko proiektuaren baitan. Dimentsioaz jabetzeko giza katea egin dute Antzuolan otsailaren 25ean, Meaka-Irimo herri plataformak deituta "berriztagarriak bai, horrela ez!"... [+]
Euskal Herria Bizirik sareak elkarretaratzea egin du Eusko Legebiltzarraren atarian, barruan Trantsizio Energetiko eta Klima Aldaketaren Legea onartzen zuten bitartean. Sare horren hitzetan, "EAJ-PNV, PSE eta EH Bilduren aldeko botoekin onartu da, agerian utziz hiru alderdi... [+]