Arabako Bertsolari Txapelketa final laurdenetan sartuko da asteburu honetan
Hemezortzi bertsolarik lortu dute final laurdenetarako txartela. Fase berriko lehen saioa maiatzaren 7an jokatuko da, Dulantzin. Eta bigarren final laurdena biharamunez, igande honetan, Zigoitian.
Final laurdenetako hiru saio jokatuko dira, eta sei bertsolarik hartuko dute parte bakoitzean. Hauetatik hamabi dira finalerdietara jauzi egingo duten bertsolariak: saio bakoitzeko irabazlea zuzenean sailkatuko da finalerdietara, eta gainerakoak lortutako puntuen arabera.
Hona hemen final laurdenetarako sailkatutako bertsolari taldea, eta bakoitzak zein saiotan kantatuko duen:
Maiatzaren 7an Dulantzin
Asier Otamendi, Ekaitz Samaniego, Iñaki Viñaspre, Maddi Agirre, Paula Amilburu eta Rikardo Gonzalez de Durana arituko dira bertan.
Kanporaketa Mikaela Portilla Kultur Etxeko aretoan jokatuko da, arratsaldeko 17:30ean.
Maiatzaren 8an Zigoitian
Manex Agirre, Markel Yoller Lopez, Orlando Arreitunandia, Peru Abarrategi, Unai Mendibil eta Xabi Igoa arituko dira.
Kanporaketa Kultur Etxean jokatuko da, 17:30ean.
Maiatzaren 14an Aramaion
Hurrengo asteburuan jokatuko da azken final laurdena, eta bertan erabakiko da zein den finalerdietara pasatuko den bertsolari dozena.
Andere Arriolabengoa, Asier Rubio, Felipe Zelaieta, Manuel Bendala, Oihane Perea eta Unai Anda arituko dira bertan.
Aramaioko Kultur Etxean jokatuko da, 17:30ean.
Informazio gehiago: Arabako Bertsolari Txapelketaren webgunean.
Xenpelar Dokumentazio Zentroak dokumentazio bilketan sakontzeko aurrerapausoak eman ditu: Bertsozale Elkarteko egitasmoen bilketa prozesuak berrikusi dira eta tokian tokiko eragileekin harremanetan jarrita, eremu horretako jarduna aztertu eta hobekuntzak bideratu... [+]
Ekainaren 12an, 64 urte zituela hil zen Tomasita Quiala Kubako izar handia. Azkeneko aldiz, 2018an etorri zen Tomasita Quiala repentista Euskal Herrira, Bertsozale Elkarteak antolatutako inprobisazioaren nazioarteko topaketa batzuen bidez. Dena hartzen zuen gogoan eta denari... [+]
“Urrats kuantitatibo eta kualitatiboa” eman du antolakuntzak, finala lekuz aldatuko du, inoizko finalik “handiena” egiteko. Zortzi saiok osatuko dute txapelketa. Sarrerak udazkenean jarriko dituzte salgai.
Lau urtero hiru txapelketa jokatzen ari da Oihana Bartra Arenas azken hogei urteetan. Bertsolaritza lehia baino gehiago dela jakitun da, baina lehia uzteak ekar lezakeen amildegiak beldurra ematen dio.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
