ARGIA.eus

2020ko uztailaren 06a

Arabako azken otsoa ehizatzeko baimena bertan behera behin-behinean

  • Arabako Foru Aldundiak bertan behera utzi du herrialdeko azken otsoa ehizatzeko emandako baimena, Eusko Jaurlaritzak mehatxatutako espezieen katalogoan sartzeko interesa adieraztearekin batera. Neurria, ordea, behin-behinekoa da, otsoa aipatutako katalogoan sartzeak dakartzan ondorioak aztertu bitartean.

Maria Ortega Zubiate @ortegazubiate
2020ko otsailaren 07a
Arabako azken otsoa.

Zalaparta handia sortu du Arabako azken otsoa hiltzeko baimenak.  Otsailaren 6an Arabako Foru Aldundiak lurraldeko azken otsoa hiltzeko baimena eman zuen, “animaliak eragindako kalteak” argudiatuta. Hamalau eguneko epea eman zien Arabako mendilerroko abeltzainei otsoa hil ahal izateko.

Talde ekologistek gogor egin dute erabakiaren kontra; Ekologistak Martxan eta Euskadiko Otso Taldearen artean 105.000 sinadura lortu dituzte, esaterako. Eusko Jaurlaritzak otsailaren 5ean azaldu zuen otsoa mehatxatutako espezie bezala izendatzeko interesa, eta hurrengo egunean bertan deuseztatu zuen Aldundiak ehiza-baimena.

Dena den, Arabako Foru Aldundiak azpimarratu du erabakia behin-behinekoa dela, otsoa espezie mehatxatuen katalogoan egoteak dakartzan ondorioak aztertu bitartean mantenduko dena.

Pozik ageri da Grupo Lobo Euskadi taldea Jaurlaritzak hartutako erabakiaren aurrean. Espainiar Estatuan “aitzindari” bezala definitu du neurria, nahiz eta mehatxatutako espezieen artean mailarik txikienean egoteak “asegabe” utzi dituela azaldu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Animalien eskubideak  |  Araba  |  Arabako Foru Aldundia

Animalien eskubideak kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude