Arabako azken otsoa ehizatzeko baimena eman du Aldundiak
Araban bizi den otso bakarra ehizatzeko hamalau eguneko baimena eman die Foru Aldundiak mendilerroko abeltzainei, Ekologistak Martxan eta Euskadiko Otsoa Taldeak salatu dutenez. Bi mugimenduek 105.000 sinadura zituzten bilduak, arabar otsoa ez hiltzeko eskatuz.
Arabar mendilerroan dagoen Gibijoko abeltzainei luzatu die idatzia Diputazioak, Ekologistak Martxanen esanetan. Abeltzainak kexu dira, azken hilabeteetan otsoak kalte handiak sorrarazi dituelako beren animalietan. Diotenez, 2019an 200 animalia baino gehiago hil edo zauritu dituzte otsoek. Lehen bi otso zeuden Araban, orain bakarra geratzen da.
Arabako Foru Aldundiak esan zuen otsoa ehizatu aurretik neurri prebentiboak hartu behar zirela, baina ez dela halakorik egin adierazi dute ekologistek. “Diputazioak sinesgarritasun guztia galdu du ingurumena zaintzea eta bioaniztasuna gisako gaietan”.
Antiespezismoa akademiara hurbiltzeko asmoz zenbait ikertzaile eta ikasleren artean ‘Animalia ikasketa kritikoen EHU/UPVko I. kongresua’ antolatu dute martxoaren 20tik 22ra Leioan.
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
