Aparatua gaindituta, ekaineko kongresua da Sánchezen hurrengo langa
Susana Díazi tarte handia aterata Pedro Sánchezek irabazi ditu PSOEko hauteskunde primarioak. Patxi Lopez lehiatik kanpo egon da uneoro, soilik EAEn lortu du irabaztea; Nafarroan Sánchezek irabazi du.
PSOE gidatzeko lehian, Díazek PSOEko egituren eta “baroien” eta komunikabide handien laguntza eduki du, baina ez da nahikoa izan garaipena lortzeko. Sánchezek jaso du militantziaren laguntza handiena: 74.223 bozka jaso ditu, Díazek 59.041, eta azkenik, Lópezek 14.571. Espainiako Estatuko erkidego guztietan irabazi du Sánchezek, Andaluzian eta EAEn izan ezik.
Lópezek lortutako bozka urrietako gehienak EAEn lortu ditu —Gipuzkoan eta Bizkaian irabazi du, eta Araban Sánchezek—; EAEn bozen %52,5 lortu du Lópezek, Sánchezek berriz %40,1 eta Díazek %7,5. Nafarroan berriz, garaipena Sánchezek lortu du, botoen %69,51 jaso du, Díazek %16,49 eta Lópezek %13,19. Nafarroako egiturak garailearen alde egin zuen hauteskunde aurreko kanpainan.
Emaitzek buelta eman diote primarioetan parte hartzeko aurkeztu beharreko abalen kopuruari: Díazek 60.231 abal jaso zituen, jasotako botoak baino 1.190 gutxiago; Lópezek eta Sánchezek jasotako abal baino boto gehiago jaso dituzte. Desfase hori azaltzeko egiturak militanteengan egindako presioak aipatu dituzte Eldiario.es eta Público komunikabideek.
Sánchezek “ezkerreko” proiektua defendatzen duela argudiatu du kanpainan zehar, eta primarioen emaitzak jaso ostean eman duen hitzaldian adierazi du Moncloarako bidea hasi dutela orain. Díazek, bere lehiakidearen izena aipatu gabe eman duen adierazpenean PSOEren beharretara zerbitzura jarriko dela esan du. El País-ek, Sánchezen garaipena saihestu eta Díaz bultzatu nahi izan duen medioak, baina, jada ohartarazi du egoera honek are gehiago kaltetu dezakeela PSOEren proiektua.
Ekainaren 17an eta 18an kongresua egingo du alderdiak, eta hor ere alderdiaren bi aldeak talka egingo dute alderdiaren norabidea bereganatzeko lehian.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Politika ez da ordoki goxoa, bide malkartsua baizik. Politikariek, eta bereziki agintariek, ongi dakite ofizioak ez duela zer ikusirik zientzia zehatzekin. Politikakoak kontu korapilatsuak izateaz gain, jende askori eragiten diote, bakoitzari modu diferentean. Erabakiak hartzerakoan, beraz, ez da erraza etekin eta kalte politikoen inguruko hausnarketan asmatzea. Kalkulu, arau edo iraganeko lezioek ere gutxi balio dute, ziurgabetasunaren eremuan mugitzen baikara. Politikaria amildegiaren... [+]
Toledoko Paktuaren jarraipen batzordea bildu da asteartean eta 2013tik Espainiako Estatuko pentsio-sisteman indarrean dagoen aldaketa bertan behera utziko duen erabakia hartu du: pentsioak Kontsumorako Prezioen Indizearen (KPI) arabera igoko dira berriro. Baina erabakiak badu letra txikia: ekonomia beheraka hasten denean nola jokatu airean geratu da.
Pedro Sanchez Espainiako Gobernuko presidente berriak bere ibilaldia hasi du Mariano Rajoyk ezarritako Estatuko Aurrekontu Orokorrek lotuta. Uda ondorenean, baina, 2019koak aurkeztu beharko ditu. Horregatik, komeni da duela hilabete aurkeztu zituen bere plan alternatiboak gogoraraztea, gastu sozial eta zerga gehiagoko Estatua batean oinarrituak.
Giza Eskubideen Europako Auzitegiak (GEEA) bederatzi aldiz kondenatu du Espainia torturak ez ikertzeagatik eta horietako seitan Grande Marlaska zen epaile instruktorea.
Isabel Celaá aukeratu du Pedro Sanchezek Espainiako Gobernuko Hezkuntza ministro kargurako. Politikari bilbotarrak Eusko Jaurlaritzako Hezkuntza Saila gidatu zuen Patxi Lopezek zuzendu zuen exekutiboan.
PPren ustelkeriak, azkenean, Mariano Rajoy Espainiako presidente kargutik bota du. PSOEko Pedro Sanchezek proposatutako zentsura mozioa aurrera atera da.
PPk, PSOEk eta Ciudadanosek kontrako botoa eman dute. Nafarroako Parlamentuan, aldiz, eskaria onartu zen urtarrilean talde guztien aldeko botoekin, abstenitu zen PPrena izan ezik.
Estatu-arrazoia bezain iluna da Rubalcaba, estoldetako politikari bat, institutuko irakasle baten itxura kaltegabe hori eduki arren. Itzalpean mugitu zalea, botere faktikoekin aireztatu gabeko sotoetan edukitzen diren elkarrizketetan; zeren hortik at, animalia izu eta itsusia da.
Normal zegoen ba, ez zitzaion ezer arraroa nabari. Pedro Sánchez etxetik atera zenean, bere maskotak betiko nazionalismo autonomista izaten segitzen zuen, platertxotik azken Royal Canin pentsu apurrak gogo biziz janez. Zepillatu berria zuen, estatutua txukun-txukun utzia zion Alfonso adiskidearen esku sendoek lagunduta. Polit zegoen, begi bat ixten zuen jolastu nahi bazuen.
Zinismo hitzaren definizioaren ondoan Felipe Gonzalezen esaldi hau agertuko da, noizbait, hiztegiren batean. Denbora kontua da.
