Antonio Kintana hil da, Euskal Herriko sexu askapen mugimenduaren abiarazleetako bat
EHGAMek jakinarazi du Antonio Kintanaren heriotzaren berri: "Gure mugimendua pizteko lehen hitzak egin zituena itzali egin da gaur". Kintana izan zen, Imanol Alvarezekin batera, Euskal Herriko sexu askapen mugimenduaren sortzailea.
Asteartean zendu zen Antonio Kintana, Euskal Herrian sexu askapenerako mugimendua abiarazteaz arduratu zenetako bat izateagatik ezaguna. EHGAM Euskal Herriko Gay-Les Askapen Mugimenduak eman eman zuen haren heriotzaren berri, sare sozialen bidez. "Gure mugimendua pizteko lehen hitzak egin zituena itzali egin da gaur. EHGAM hegan egiten jarri zuen horrek oroitzapenen mundura egin du salto gaur. Betirako hor geratu dadila, gertu, EHGAMkide guztion memorian, sexu askapenerako borrokaren historian mugarri", zioen Kintanaren argazkiarekin batera argitaratutako mezuak.
1976an, Erresuma Batuan egin zuen egonalditik ideia batekin egin zuen buelta Euskal Herrira Kintanak: sexu askapenerako mugimendua abiaraztea. Ideia hori buruan jo zuen Imanol Alvarezengana, Alvarezek berak ARGIAn azaldu bezala. Bigarren honek Berriari egin dizkion adierazpenen arabera, Galestik itzuli berria zen Kintana, eta "han ezagutu zuen Gay Liberation Front, eta unibertsitatean bertan bazegoen gay talde bat. Hori ikusita, Euskal Herrian antzeko zerbait egiteko ametsa zuen".
Euskal Herrian erlijioak zuen pisua handia zela eta euskaldunak matxista hutsak zirela erantzun zion Alvarezek Kintanari, baina halere ez zuen errefusatu lagunak Durangoko Azokan luzatutako proposamena. Prentsara jo zuten aurrena, baina jotako ate guztiak itxi zizkieten, harik eta Joan Mari Torrealdairen atea jo zuten arte. Anaitasuna aldizkariko zuzendaria zen Torrealdai orduko hartan, eta harekin hitz egin ondoren, biek sinatutako gutuna argitaratu zuten aldizkarian. ARGIAn jasoa dagoenez, gutun hartan zera adierazi zioten iritzi publikoari: gay mugimendua gero eta indartsuagoa zela, gero eta agerikoagoa eta Euskal Herriko komunikabideetan ez zela aipatu ere egiten. Hurrengo pausoa jende gehiagorekin biltzea izan zen: Bilbon egin zuten hitzordua, Frantziskotarrek Irala kalean zeukaten lokaletan. "Orduan izan zen sorrera ofiziala", kontatu dio Alvarezek Berriari. Bizkaia mailan egituratu ziren lehenbizi, eta beste herrialdeetara zabaldu gerora. 1977ko urtarrila-otsailean elkartearen aurkezpena egin zuten, baina 1983a arte ez zuten eskatutako legalizazioa lortu ordea; "Martin Villak ez gintuelako legeztatu nahi", Alvarezek ARGIAn argitaratutako iritzi artikuluan adierazi bezala.
Bere asmoei bide emanda, mugimendua martxan jarrita zegoela albo batera egin zuen Kintanak. "Ertz horretatik beti jarraitu izan dio gure ibilbideari. Beti egon da presente, baina oso agerian egon gabe", adierazi dio Berriari bere kideak. EHUn irakasle aritu zen.
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
‘Xoka. Jite disidenteak’ jardunaldiak antolatu ditu Ehgam Nafarroak. Hiru saio eginen dituzte Iruñeko Laban: azaroaren 5ean, 13an eta 19an.
Sare Elkarteak antolaturik chemsex fenomeno soziokulturalaren inguruan mintzatzeko jardunaldiak antolatu dituzte Iruñean.
Eraso LGTBI+fobiko eta matxistak espazio publikoan ematen direla gehien adierazi dute mugimendu hauek urtero ateratzen dituzten txostenen arabera. Gasteizko Mugimendu Feministak eta Lumagorri elkarteak guztien plazera erdigunean jarriko duen jai eredu bat nahi dute, eta neurri... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Zaintzan oinarrituriko gau aisialdi “askeagoa” eta “seguruagoa” sortzeko asmoz sortu da Harrika kolektiboa. Bi urte daramatzate Gasteizen tekno besta kuir eta feministak egiten. Uztailaren 26tik 28ra Harrikada Festibala izanen da Izarran (Araba).
Diru publikoa LGBTI+ kolektiboaren problematikak merkantilizatu eta administrazioaren “pinkwashing-a” egiteko soilik erabiltzea egotzi die erakundeei.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
LGTBIfobiaren aurkako eguna da maiatzaren 17an eta arratsaldez mobilizazio ugari izango dira Euskal Herrian barrena. Albistearen bukaeran ematen dizuegu horietako batzuen berri.
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]