Angulari buruzko lanarentzat 2013ko CAF-Elhuyar saria
Bergarako Errekalde jauregian banatu ziren atzo 2013ko zientzia-dibulgazioko CAF-Elhuyar sariak. Gorka Azkune Galparsoro, Eneko Bachiller Otamendi, Xabier Erkizia Martikorena, Amaia Portugal Gonzalez eta Gorka Zabaleta Lopetegi izan ziren saridunak. Azken honek angulei buruz egindako lanari esker irabazi zuen saria, hirugarrena azken hiru urteotan. Merezimenduzko saria Udako Euskal Unibertsitateak jaso zuen.
Bost sari eta merezimenduzko sari baten jiran egin zuen Elhuyarrek ekitaldia Bergarako Errekalde jauregian, duela 230 urte Elhuyar anaiek wolframaren berri eman zuten leku berean. Ondokoak dira saridunak:
“Fikzioa errealitate bihurtzen denean”, Gorka Azkune Galparsoro; Dibulgazio-artikulu orokorraren saria.
“Arrainak, otorduetan, ekologiaz mintzo dira”, Eneko Bachiller Otamendi; Egilearen tesian oinarritutako dibulgazio-artikuluaren saria.
“Angulari erradiografia”, Gorka Zabaleta Lopetegi (Baleike aldizkaria); Zientzia-kazetaritzaren arloko lanari saria
“Giza eboluzioa berridazten”, Amaia Portugal Gonzalez (Berria egunkaria); Zientzia-kazetaritzaren arloko lanari aipamen berezia
“Idazkera isilak: Entzuteko idatziak eta Soinuzko irudiak”, Xabier Erkizia Martikorena; Zientzia gizartean sorkuntza-bekari saria.
Udako Euskal Unibertsitateak Merezimenduzko saria jaso zuen.
Oso gogoko dut zientzia fikzioa, genero honetan istorioak oso modu aldrebesean kontatuak izaten badira ere. Fikzioa erabiliz, dugun errealitate konplexua azaltzeko edota eraldatzeko modu berriak lantzen dira. Ocativa E. Butler zientzia fikziozko idazleak, elkarrizketa batean,... [+]
Igande honetan, maiatzak 12, urtero bezala Ipar Euskal Herriko ikastolen Herri Urrats festa ospatuko dute Senpereko lakuaren inguruan. Aurten, TxikiLinux Txokoa egongo da Xiberoa gunean. 9:00etatik 17:00etara haurrentzako tailerrak prestatu dituzte, sistema eragile libre eta... [+]
EAEk du elektroshockaren praktika tasarik altuena Espainiako Estatuan; Nafarroan berriz, pazienteen euste mekanikoa ohikoa da ospitale psikiatrikoko unitateetan. Psikiatrikoetako indarkeria eta gehiegizko medikazioa salatzeko, Estatuko Harro Zoro Erradikalen manifestazioa Bilbon... [+]