Ane Labaka Mayozek irabazi du II. Señora Sariketa
Ekainaren 4an jokatu da Señora Sariketako finala, bete-betea egon den Leitzako Herri Aretoan. Aner Euzkitze eta Ane Labakak jokatu dute buruz-burukoa eta Mayoz gailendu da, beraz, berak jantzi du pamela. Bi hauez gain, saioan aritu dira: Erika Lagoma, Uxue Fernandez, Amaia Iturriotz eta Sarai Robles. Rosi Lazkanok okasiorako jarritako bertsoak kantatu ditu eta Herrialde Katalanetatik etorritako glosadoreek hasierako agurra kantatu dute.
Guztira hamalau bertsolarik hartu dute parte aurtengo Señora Sariketan. Antolatzaileek honela definitzen dute sariketa honen izaera: "Emakumeen eta hegemonikoak ez diren gainontzeko identitateen ikusgarritasuna bilatzen duen lagunarteko txapelketa".
Bi kanporaketa jokatu dira aurretik, eta horietako bakoitzetik bi bertsolari sailkatu dira finalerako: Amaia Iturriotz, Ane Labaka, Aner Euzkitze eta Sarai Robles. Horiekin batera aritu dira finalean kantatzeko deituak izan diren "ohorezko bi señorak": Erika Lagoma eta Uxue Fernandez.
Herrialde Katalanetatik zazpi glosadore etorri dira aurtengoan, sariketa berezi hau ezagutzera. Haietatik hiruk eman diote hasiera saioari, agurra kantatuz: Aurora Brullet, Laia Pedrol eta Berta Llos izan dira glosak eskaini dituztenak.
Gipuzkoako Bertsolari Txapelketako sailkapen fasea hastera doa: 20 saio jokatuko dira, bi itzulitara. 74 bertsolari ariko dira kantuan, eta horietatik 48 sailkatuko dira bigarren itzulirako; udazkenerako txartela, aldiz, 34 bertsolarik lortuko dute.
Gasteizko Printzipal Antzokian izanen da Arabako Bertsolari Txapelketaren finala, 17:30ean. Ez da inoren estreinako aldia izango finalean.
Ainhoa Urien, Onintza Enbeita, Sustrai Colina eta Xabi Igoa izango dira taldean, Batzar Nagusian bazkideek bozkatu eta onetsi ondoren.