Anaia Musulmanek salatu dute 35 lagun hil dituela poliziak
Anaia Musulmanek Egiptoko segurtasun indarrei leporatu die presidente ohiaren aldeko manifestazio batean 35 pertsona hiltzea.
Kairon, Guardia Errepublikarraren egoitzaren aurrean, izan dira liskarrak astelehen goizaldera.
Gehad el-Haddad Anaia Musulmanen bozeramaileak Egiptoko Ejertzitoa egin du erasoen arduradun. Tentsioak otoitz momentuan gora egin duela adierazi du, eta 35 hildakoez gain, “ehunka zauritu eta atxilotu asko” daudela. Egiptoko Osasun Ministerioak hildakoen zifrak igotzen jarraitzen du.
Manifestari baketsuen aurka suzko armekin eraso egitea leporatu die Anaia Musulmanek Ejertzitoari eta poliziari.
Intifadara deitu dute Anaia Musulmanek erasoen aurrean.
Ejertzitoak erasoa justifikatu du, esanez Guardia Errepublikarraren egoitzaren aurka oldartu dela “talde terrorista” bat, eta horren harira etorri direla ondorengo liskarrak. Estatuko telebistak aditzera eman du soldadu bat hil dela eta beste berrogei zauritu daudela.
Bitartean, Tahrir plazan Mohamed Morsi presidente ohiaren kontrako milaka lagun ari dira biltzen, eta Ejertzitoak militar kopurua areagotu du.
Goizaldeko erasoen ondotik, Al Nur alderdi salafistak adierazi du harremanak eten dituela iragan asteazkenean izendatu zuten Adli Mansur behin-behineko presidentearekin.
Igandean, Al Nur alderdia Ziad Baaha el Din sozialdemokrata herrialdeko lehen ministro izendatzearen kontra agertu zen, eskatuz kargu horretan politiko neutral bat jartzeko. Eta kargu horren ondoko izendatu nahi duten Mohamed El Baradei jartzea ere gaitzetsi zuten.
Mostafa Waziri Egiptoko Antzinaroko Kontseilu Goreneko idazkari nagusiak Mizerinoren piramidea zaharberritzeko proiektu erraldoia aurkeztu du berriki: Gizako piramiderik txikiena granitozko blokez estaliko dute, jatorrizko itxura berreskuratu dezan. Wazirik proiektua gogo biziz... [+]
New Yorkeko Unibertsitateko ikerlari talde batek esperimentu bat egin berri du, Gizako esfingearen materialak eta eraiki zuten garaiko baldintza klimatikoak imitatuz.
Gerra eta gezurra bat doaz eta oso gaitza da jakitea gerra batean nor zertan dabilen kazetariak edo bestelako iturriak tartean ez badira. Israelek historikoki erakutsi du ezpata dantzatzeko indarra eta gezurra maneatzeko abilezia. Orain Gaza bonbardatzen ari denean, ospitaleei... [+]
Joe Bidenen agindupean, AEBetako gobernuak Gazan garbiketa etnikoa gauzatzeko planak egin zituen 2,3 milioi palestinar Egiptora bidaltzen saiatuta. "Biden presidentea beste herrialde batzuekin batera plana lantzen ari da, zibilek Gaza utzi eta Egiptorako muga segurtasunez... [+]
Kairo, 1250eko maiatzaren 2a. Shajar Al-Durr Egiptoko sultan izendatu zuten. Ez zen emakumezko lehen sultana izan; urte batzuk lehenago, 1236an, Raziak Delhiko sultan kargua hartu zuen. Baina esklabo izatetik agintari gorena izatea lortu zuen lehena izan zen.