Amiantoarekin lan egiteagatik hildako behargin baten familiari kalte-ordainak eman beharko dizkiote
Acenor eta Sidenor metalgintzako enpresek euren gain hartu beharko dituzte minbiziak jota hildako langilearen familiari eman beharreko kalte-ordainak.
Bilboko Lan Arloko laugarren epaitegiak ezetsi egin du Sidenor eta Acenor enpresen errekurtsoa. Horren arabera, amiantoaren eraginpean egoteagatik minbiziak jota hil zen langile batek jasandako gaixotasunagatiko prestazioen %50eko errekargua solidarioki ordaintzeari uko egiten zioten.
Euskadiko Amiantoaren Biktimen Elkarteak ohar baten bidez jakitera eman duenez, epaileak zehaztu du Sidenorrek ez zuela neurririk hartu 2000. urtera arte, gutxienez, langileek amiantoaren eraginpean egotearen ondoriozko arriskuak saihesteko.
Hala, Lan Arloko Epaitegiaren irizpenak atzera bota du Sidenorrek 2019ko otsailean bi enpresei errekargua ezarri zien Gizarte Segurantzako Institutu Nazionalaren ebazpen baten aurka jarritako errekurtsoa.
Felipe J.L.S. izeneko langileak 1973tik 2009ra bitartean Basauriko Sidenor lantegian egin zuen lan, eta bertan amiantoa gutxienez 2000. urtera arte erabili ohi zen. Horren ondorioz 2017ko maiatzean pleurako mesotelioma izeneko gaitza diagnostikatu zioten, hots, biriketako minbizia. Erabateko ezintasuna eragin zion kontingentzia profesionalagatik, eta 2018ko ekainean zendu zen.
Euskadiko Amiantoaren Biktimen Elkartea "pozik" agertu da epaiarekin, eta amiantoaren eraginpean egoteagatik heriotzak eragin dituzten enpresei eskatu die “biktimen familiei barkamena eskatzeko” eta senide horiei ere “kalte-ordainak emateko”.
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]
Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.
Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]