Frantziako Kultura ministroaren kritiken ondoren, liburu saltzaileak Amazonen kontra
Amazonek bidegabeko lehia egiten duela salatu du Aurélie Filipetti Frantziako Kultura ministroak. Adierazi duenez, enpresa estatubatuarrak dagokiona baino zerga gutxiago ordaintzen ditu. Horrez gain, “prezio baxuak ezartzen dituzte merkatuan barneratzeko, baina monopolioa bereganatzen dutenean, berriro igotzen dituzte”. Neurri horiek gainontzeko liburudenden gainbehera ondorioztatzen duela eta, estatuak 9 miloi euroko diru laguntzak agindu ditu, dendak modernizatu eta interneteko salmentara egokitu daitezen.
Britainia Handiko eta Espainiako liburu saltzaileen elkarteek bat egin dute Filippettiren aldarrikapenekin eta antzeko neurriak hartzeko eskatu diete haien gobernuei. Juan Manuel Cruz Espainiako liburu saltzaileen ordezkariak Amazonen kanpainek “arauak hausten” dituztela adierazi du. Sidney Davis Britainia Handikoen ordezkariaren ustetan, multinazional estatubatuarra sektorearen mehatsu nagusia da.
Alemanian ere kritikak jaso izan ditu Amazonek. Otsailean, Ausgeliefert! Leiharbeiter bei Amazon dokumentalak langileen baldintza txarrak eta muturreko eskuinarekin erlazioa duen segurtasun enpresa baten azpikontratazioa argitara eman baitzituen.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Oso ona iruditzen zait Soraluzeko “Jaso burua” ekimena, ezinbesteko kontzientziazioa bultzatzen baitu. Lehen Hezkuntzako umeen gurasoontzako hitzaldian izan nintzen joan den astean. Seme nagusia LHn zegoela, pantailen (eta pantailen edukien) erabileraren inguruko... [+]
LAB eta ELAk adierazi dute ez dela teilatua erortzen den lehen aldia, eta horrek arriskuan jartzen dituela langileak. Amazoneko langileek greban jarraitzen dute.
Trapagarango Amazoneko langileek salatu dutenez, “mehatxu eginez” deitu diete behin-behineko langileei greba egunetan lanera joan zitezen. Era berean, greba egunetarako “ordu osagarriak” eskaini izana leporatu diote enpresari.
Enpresaren jarrera “larria” salatu dute langileek. Eskaeren artean, jaiegunetan lan egiteagatiko konpentsazioak eta KPIari lotutako soldata-igoerak daude. Greba egunak abenduaren 17 eta 18a, eta urtarrilaren 3, 4 eta 5a dira.