ARGIA.eus

2021eko maiatzaren 07a

Amaia Zubiriak jasoko du 2021eko Adarra Saria

  • Musikaren Europako Egunean jasoko du saria Amaia Zubiriak, Donostiako Victoria Eugenia antzokian.

Ixone Arana @ixonearana1
2021eko apirilaren 28a
Amaia Zubiria

Amaia Zubiriak jasoko du 2021eko Adarra Saria ekainaren 21ean. Saria jasotzeaz gain kontzertua eskainiko du Victoria Eugenia antzokian bere kantari ibilbidean alboan izan dituen musikariekin batera. Egun horretan Zubiriak eskainiko duen kontzerturako sarrerak salgai dira dagoeneko.

Berria egunkariak jaso duenez, “Benito Lertxundik esnatu ninduen ni euskal kantagintzara”, esan du Amaia Zubiriak Victoria Eugeniako Foyer aretoan. “16 urte nituen nik, eta Benitok, bost gehiago. Abesti lehiaketa batera joan nintzen ezkutuan, etxean ezer esan gabe, Donostiako Arte Ederrak teatrora [1963an]. Han aditu nuen Benito, erdaraz kantatzen aurrena eta gero euskaraz. Orduan esnatu nintzen”. 

“Euskal musikaren ordezkari garrantzitsuenetako bat da Amaia Zubiria”, adierazi du Donostia Kultura erakundearen aholku batzordeak. Jose Joakin Forcada, Auria Etxeandia eta Esther Fernandinok osatzen dute batzordea. “Aparteko gaitasuna duen kantaria eta musikaria da, kantu tradizionalen gaurkotzailea”. 

Adarra Saria

Donostiako Udalak eta Donostia Kulturak 2014an sortu zuten Adarra Saria. Euskal musikaren munduan ibilbidea edo eragina izan duten artistak omentzeko. Zortzigarren aldia da Adarra Saria ematen dutela. Lehen saria Mikel Laboak jaso zuen, eta gaur egun arte saria jaso dute Ruper Ordorikak, Benito Lertxundik, Fermin Muguruzak, Anari Alberdik, Berri Txarrak taldeak eta Kepa Junkerak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Musika  |  Euskal Herria

Musika kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude