Altzako egoera urbanistikoa, eraikuntza berri bat
Azken hilabete honetan jakin dugu Donostiako Udalak Uliako Viveros-eko eremuan etxebizitzak eraikitzeari uko egin diola eta bizilagunen elkarteak hiri-parkea bezala sailkatua izan dadin eskatzen duela. Uliako herritarrak zoriondu besterik ezin dugu egin aipatu eremua babestea lortu dutelako. Eta guk inork baino hobeto dakigu zein zaila den hori, azken batean Altzan 18 urte daramatzagulako Auditz-Akular eremuan parkea egin dadin eskatzen eta oraindik ez dugu lortu.
aurre egingo dieten hedabide independenteak
Pozten gara ere Udalak hiriko beste gune batzuetan gazteentzako alokairuzko apartamentuak egitea erabaki duelako, besteak beste Altzan, Eraikuntza Eskola izandakoan, prentsaren arabera. Izan ere, denbora luze erantzunik gabe dirauen eskaera da.
Baina, Altzako lurretan egin nahi den eraikuntza jardun horren aurrean zenbait baldintza bete beharko lituzkeela ohartarazi beharko genuke. Hala nola:
- Orekatua eta neurrikoa izan behar du. Ezin da berriro gertatu hiriko beharrak Altzako lurretan pilatzea, aurreko hamarkadetan zorigaiztoko hirigintzaren eskutik egin zena. Iragana ezagututa, beldurra ematen du Udalak egindako adierazpenak, egungo bost eraikin eraitsi eta etxebizitza blokeak eraikiko direla esaten duenean. Berriro ere, 60 - 80. hamarkadetan bezala, Altzak dena aguantatzen duela eta, pairatu beharko dugu ?
- Eraikuntza Eskola izandako lursailaren inguruak etxebizitza dentsitate ikaragarria du, duen orografia kontuan izanik, erabat jasanezina. Ondorioz, etxebizitza berri horien proiektua onartezina izango da, baldin eta ekipamendu publiko eta dotazio berriak tartekatzeko helburu izango duen hirigintzako egitasmoaren eskutik ez bada. Azken batean, aukeratutako lursaila gune horretan herritarren ingurua hobetzeko aukera bakarrenetakoa da.
- Erabilera berriak legeztatzeko Plan Orokorraren aldaketa iragartzen den honetan, gogora ekarri behar dugu urteak daramatzagula Altzako egoera urbanistikoa eraldatuko duen Plan Orokorraren berrikuspen sakon bat eskatzen. Eremu libreak eta parkeak, umeen jokoak, kirol eremuak, mota guztietako ekipamendu publikoak osatzeko beharra dago herritarrak pairatzen duten defizitak eta hiriko beste auzoekiko dizkriminazioa gainditzeko. Adibide bat besterik ez jartzearren, hor dugu kiroldegiko errealitatea, bi edukitzeko bezainbeste biztanleria izanik bi urte daramagu batere gabe.
- Aukera baliatuko dugu Udalari konbite bat luzatzeko: ireki dezala parte-hartze prozesu bat, elkarrekin iraganeko akatsak zuzendu eta Auditz-Akularren Altzatarren aisialdi parkearen errebindikazioa, 18 uste luzez egindakoa, egia bihurtzeko asmoz.
Altzan, 2018ko ekainean.
AltzaXXI HERRI EKIMENA, HERRIPE eta GURE BIDEA Elkarteak
Agustín Rodríguez Apaolaza
IRITZIA | Altzako egoera urbanistikoa, eraikuntza berri bathttps://t.co/gUWrfwh547 Sinatzaileak: Altza XXI herri ekimena, Herripe elkartea eta Gure Bidea elkartea pic.twitter.com/2epi71NoS7
— ARGIA (@argia) 2018(e)ko ekainaren 15(a)
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak... [+]
Aurtengo uda garaian 46 gradutara iritsi da tenperatura Espainia eta Portugaleko leku batzuetan. Europako beste leku batzuetan ere 40tik gorako tenperaturak izan dituzte, baita Euskal Herrian ere. Iaz baino tenperatura altuagoak izan ditugu eta aspalditxo izan ditugun handienak... [+]
Nazio Batuen Batzorde batek bi urte behar izan ditu palestinar herriak hamarkadetan salatu duena berresteko: Israelgo estatu sionista genozidioa gauzatzen ari dela. Herri presioa gero eta handiagoa da gure agintarien gainean, eta nazioarteko boikotak lehen arrakalak ireki ditu... [+]
TikTok-en parafernaliatik urrun bizi naizenez, aurreko egunera arte ez nuen jakin Maria Pombo horren berri. Sare sozialek orduero aurkitzen dute kalapitarako gairen bat eta, honakoan, kristorena sortu zuten influencerrak irakurtzearen gainean egindako adierazpenek. "Esango... [+]
Telesforo Monzon laborategiak antolatutako uda eskolak euskararen etorkizunaz gogoeta egiteko plaza beroa ekarri zuen Bergarara. Hasieran, Garikoitz Goikoetxeak eta Olatz Altunak euskararen egungo egoera eta etorkizuneko joerak marraztu zituzten, eta horren gainean aritu ziren... [+]
2018ko uztailean, CAF Beasaingo enpresa batzordeak lehen aldiz eskatu zion ofizialki CAFeko zuzendaritzari Jerusalemgo tranbiaren esleipen konkurtsoan ez parte hartzeko. Momentu horretan egoerak gaurkoarekin zerikusirik ez bazuen ere, ohiko trenbide batetik harago, proiektu hori... [+]
Mundua Israel Gazan egiten ari den genozidioaren hondamendira begira dagoen bitartean, kolonoen mugimenduak eta Israelgo armadak triskantzak egin dituzte Zisjordanian eta Ekialdeko Jerusalemen. Ondorioz, palestinar gisa han bizitzea eguneroko borroka bihurtu da, biziraupenekoa:... [+]
Dena aldatu da urriaren 7an Al-Aqsa Uholde Operazioa hasi zenetik. Palestinarrok utzi diogu biktima perfektuen eta terroristen arteko nahasketa izateari, batzuek konturatu nahi ez dutela dirudien arren. Irudi lazgarrien gaindosiak, azkenik, masa handien enpatia erreala eragin du... [+]
Asteburu honetan jakin dugu, Palestinarekin Elkartasuna plataformako kideen bitartez, Israelek 33. FCI/IGP Munduko Txapelketan parte hartu duela, Gasteizen ospatu den nazioarteko txakur lehiaketa batean. Duela egun batzuk izan genuen txapelketaren berri, baina Israel ez zegoen... [+]
Badira egun batzuk Instagrameko @denuncias_euskalherria kontuan argitalpen bat agertu zela. Bertan, ama batek adierazten zuen bere alaba Bernedoko euskal udalekuetan egon zela hamabost egunez eta talde mistoetan dutxarazten zituztela 13-15 urte bitarteko nerabeak, aukerarik eman... [+]
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Jakina da poliziari esku sartzeak beti dakarrela arrisku nabaria. Bere garrantziagatik eta seriotasunagatik, kontuz aztertu beharra eta larria denez, terminologia-trabarik gabe, badaezpada.
Duela aste batzuk Ertzaintzak Azpeitian egindako esku hartzeak, bertako herritar askok... [+]
