Aldaketa nabarmenak Ukrainako inbasioaren mapa gaurkotuan

  • Istanbulgo negoziaketa jardunaldian Errusiak iparraldeko frontetik tropak kenduko zituela esan ostean, guztiz aldatu da Ukrainako inbasioaren mapa.

Mapa: War Mapper.

2022ko apirilaren 06an - 16:08

Ukrainako inbasioaren lehen egunen ostean, Errusiaren kontrolpean zeuden lurraldeetan ez zen aldaketa handirik egon. Beraz, lehen asteetan inbasioaren mapak antzeko itxura izan zuen, joan den astera arte. Istanbulen Errusiaren eta Ukrainaren artean egin zituzten negoziaketetan, iparraldeko frontetik tropak aterako zituztela adierazi zuen Errusiak, eta horrek mapa aldatzea ekarri du.

Hala, Ukrainako inbasioaren gatazka puntuak hegoaldekora eta ekialdekora murriztu dira, nahiz eta Errusiako armadak tarteka Ukraina erdialdeko helburu estrategikoen aurkako erasoak egiten jarraitzen duen.

Mariupol da oraindik borroka gogorrenak dauden lekua: hiriaren erdialdeak eta portuak Ukrainako indarren esku egoten jarraitzen dute, baina Errusiako armadak eta Donetsk Herri Errepublikako miliziek hainbat barrutiren kontrola hartu dute.

Jarraian, hainbat hedabidek eta kontuk egin dituzten mapen bertsioak:


Kanal honetatik interesatuko zaizu: Ukrainako gerra
Europak armak erosiko ditu, zuri pentsioa kenduta

Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]


Pablo Gonzalez "berehala" askatzea exijitu dute Gernikan eta nazioartean

Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]


Babes gutxi jaso du NATOko tropak Ukrainara bidaltzeko Macronen planteamenduak

Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.


Zelenski: "Ukrainako 31.000 eta Errusiako 409.820 soldadu hil dira gerran”

Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.


Eguneraketa berriak daude