Alarma egoerak garraiolarien lan baldintzak okertu dituela salatu dute
Aragoiko Sigües herrian, Esatik gertu, beste langile bat hil zen asteazkenean. Garraiolariak zeraman hormigoia egiteko kamioia irauli egin zen N-240 errepidean. Sindikatuek salatu dute koronabirusaren krisia dela-eta sektorearen baldintza asko okertu direla.
Iruñea eta Jaca arteko errepidean, bihurgune estu batean hil da aurtengo enegarren langilea. Garraiolariak, hormigoi kamioia zeraman Esa inguruan eta irauli egin zaio asteazken goizean; larrialdietarako zerbitzuek ezin izan dute ezer egin haren heriotza saihesteko.
Garraiolaria nafarra zen eta sindikatuek Nafarroako Gobernuaren aurrean salatu dute sektorearen egoera prekarioa, koronabirusaren krisia hasi zenetik ez baita modu horretan hiltzen den lehen langilea. Alerta egoeraren ondorioz kamioilariek egin dezaketen gehienezko orduen muga lausotu da, derrigorrezko atsedenik ez baitute zertan hartu.
Sindikatuek gogorarazi dute Nafarroan sektore horretan lanean ari diren asko autonomoak direla eta "katearen azken begia" izanik oso baldintza txarretan aritzen direla. Euren ustez, laneko heriotza horiek ez lirateke "lan istripu" huts bezala hartu behar.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Astelehen arratsean gertatu da ezbeharra, Arrasaten, hiru metroko sakonerara erorita.