Akordio ekonomikoaren faltan, erakundeak elkarlanean Ondarroako luiziak eragindako obretan
Kamiñaldeko luiziak eragindako lanei aurre egiteko, Ondarroako Udalarekin batera lantaldea osatuko dute Eusko Jaurlaritzak eta Bizkaiko Foru Aldundiak.
Asteartean bildu ziren hiru erakunde publikoak eta akordio ekonomikorik ixtea lortu ez duten arren, elkarrekin lan egiteko prest agertu dira.
Udalaren arabera 17 milioi euro kostako dira mendi hegala berrezartzeko lanak. Obra horiek ezinbestekoak dira joan den martxoan luizien ondorioz lekuz aldatu behar izan zuten 176 familiak beraien etxeetara itzultzeko.
Ondarroak ezin duela karga ekonomiko hori bere gain hartu adierazi izan dute Bizkaiko herriko ordezkariek, baina orain arte beste erakundeek ez dute problema soluzionatuko lukeen laguntzarik bermatu.
Joan den ekainean egindako bilera baten ondoren, Aldundiak larrialdi egoerako laguntzak handitzea erabaki zuen. Hasierako 500.000 euroei beste milioi bat gehitu zien, baina Zunbeltz Bedialauneta alkateak nabarmendu zuenez, kopuru horrekin problema konpontzetik urrun zegoen oraindik.
Aste honetako bileraren ondoren, astero bilduko den lantaldea osatzea adostu dute. Talde horrek Kamiñalden egiten diren lanen jarraipena bere gain hartuko du.
Korrika egunez egun erakusten ari da pasatzen den txoko guztietan nola pizten duen harrotasun sentimendua, euskaldun izatearen harrotasunarena. Emozio horixe da, batik bat, euskara transmititzen jardun duten adineko pertsona horiena.
Uztailaren 2an salatu zuen emakumeak erasoa, eta hiru egunetara atxilotu zuten gizona, Segurtasun Sailaren arabera. Erasoei aurre egiteko protokoloaren koordinazio mahaiek jaien balorazioa egin dute eta datu batzuk eman: bi aldiz aktibatu zuten eraso matxisten aurkako... [+]
"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.
Street Art Cities plataformak egiten duen sailkapenean, munduko hirugarren onena hautatu dute Ondarroako Kamiñazpin dagoen Lian muralgilearen lana.
Zeinu hizkuntzaren interpretearen ezinbesteko laguntzaz egin diogu elkarrizketa Aitor Bedialauneta Arrateri (Ondarroa, 1991), Euskal Gorrak EAEko gorren elkarteen federazioaren presidenteari. “Interpretearen mendekotasunik dudan? Une honetantxe, biok daukagu”,... [+]